20:58, 13 - قاراشا 2017 | GMT +6
ابدوللا گۇل استانا پروتسەسىنىڭ جالعاسۋىنا تۇركيا نەگە مۇددەلى ەكەنىن ءتۇسىندىردى
استانا. قازاقپارات - بۇگىن ەلوردادا تۇركيانىڭ بۇرىنعى پرەزيدەنتى ابدوللا گۇل سيرياداعى احۋالدى رەتتەۋگە نەگىزدەلگەن استانا پروتسەسىنە قاتىستى پىكىر ءبىلدىردى، دەپ حابارلايدى قازاقپارات.
«بىرىنشىدەن، استانا پروتسەسى وتە ماڭىزدى ەكەنىن اتاپ وتكەن ءجون، سەبەبى العاش رەت شيەلەنىس تاراپتارى كەلىسسوزدەر ۇستەلىنە وتىردى. وسى ورايدا ءىشىنارا بولسا دا وق اتۋدى دوعارۋ قامتاماسىز ەتىلدى. ارينە، سيرياداعى وقيعالار كورشىلەس ەل رەتىندە تۇركياعا تىكەلەي اسەر ەتەدى، بۇل ءوز كەزەگىندە ۇلكەن پروبلەما. ادامي تۇرعىدان قاراستىرعاندا، وندا قانشا جان زارداپ شەكتى، كوپتەگەن ادامنىڭ ءومىرى قيىلدى. سوندىقتان تۇركيا ۇكىمەتى استانا پروتسەسىنە جوعارى قولداۋ بىلدىرەدى جانە ونىڭ ۇدەرىسىنە تىكەلەي مۇددەلى»، - دەدى ابدوللا گۇل استانا كلۋبىنىڭ ءۇشىنشى وتىرىسى بارىسىندا تىلشىلەرگە بەرگەن سۇحباتىندا.
ەستەرىڭىزگە سالا كەتەيىك، استانا پروتسەسىنىڭ سوڭعى كەلىسسوزدەرى بيىلعى 31- قازاندا وتكەن بولاتىن.
اۆتور: رۋسلان عابباسوۆ
