قىتايدىڭ قازاقستانداعى تۋريزم جىلى اياقتالۋعا جاقىن
فەستيۆالعا رەسمي وكىلدەر، سونداي- اق ەكى ەلدىڭ تۋريستىك بيزنەس وكىلدەرى قاتىسۋدا. ق ح ر رەسمي دەلەگاتسياسىن باس تۋريزم باسقارماسىنىڭ مينيستر ورىنباسارى دو دزيان باستاپ كەلدى. بۇل تۋرالى مادەنيەت جانە سپورت مينيسترلىگىنىڭ باسپا ءسوز قىزمەتى حابارلادى.
فەستيۆال مادەنيەت جانە سپورت مينيسترلىگى، الماتى، الماتى وبلىسى جانە وڭتۇستىك قازاقستان وبلىسى اكىمدىكتەرىنىڭ، سونداي- اق Air Astana اۋەكومپانياسىنىڭ، قازجول مەيرامحاناسىنىڭ، Skyway جانە Explore Central Asia تۋريستىك وپەراتورلارىنىڭ قولداۋىمەن وتۋدە.
فەستيۆال اياسىندا بارلىق قاتىسۋشىلار الماتى قالاسىنىڭ تۋريستىك نىساندارىن ارالاپ، حالىق قولونەر شەبەرلەرىنىڭ شەبەرلىك سىنىپتارىنا قاتىسىپ، ق ح ر تۋريستىك وپەراتورلارىمەن كەزدەسۋلەرىن وتكىزە الادى.
2017 -جىلدىڭ 11 - قاراشاسىندا الماتى حالىقارالىق فەستيۆال ەستافەتاسىن تاراز قالاسىنا بەرەدى. تارازدا ەكى ەلدىڭ رەسمي وكىلدەرىنىڭ قاتىسۋىمەن رەسمي فورۋم وتەدى. 15 - قاراشا كۇنى «قازاقستاننىڭ ۇلى جىبەك جولى بويىنشا ساياحات» حالىقارالىق فەستيۆال قوناقتارى مەن قاتىسۋشىلارىن شىمكەنت قالاسى قارسى الادى.
قازاقستانداعى قىتايدىڭ تۋريزم جىلىنىڭ سالتاناتتى جابىلۋ ءراسىمى 2017 -جىلدىڭ 17 - قاراشا كۇنى استاناداعى «بەيبىتشىلىك جانە كەلىسىم» سارايىندا وتەدى. ءىس- شاراعا ەكى ەلدىڭ مىڭنان اسا رەسمي وكىلدەرى مەن بيزنەس وكىلدەرى قاتىسادى. جابىلۋ سالتاناتىندا قىتاي تاراپى قىتايلىق كلاسسيكالىق ونەردىڭ ۇلگىسى «جىبەك جولى گۇلمەن كومكەرىلگەن» بالەتىن ۇسىنادى. قويىلىم قىتايلىق، پارسىلىق، ۇندىلىك جانە تۇرىك ستيلدەرى قوسىلعان گانسۋ پروۆينتسياسىنداعى ەسكەرتكىشتەردە بەينەلەنگەن تاريحي ساتتەرگە نەگىزدەلگەن.
ەستەرىڭىزگە سالا كەتسەك، مەملەكەت باسشىسى ن. ءا. نازاربايەۆ جانە ق ح ر ءتوراعاسى شي جينپيىن قازاقستان مەن قىتاي اراسىنداعى ستراتەگيالىق ارىپتەستىكتى دامىتۋ تۋرالى ورتاق دەكلاراتسيايادا 2017 -جىلدى قازاقستانداعى قىتايدىڭ تۋريزم جىلى دەپ جاريالاعان بولاتىن.
ەركىن قالدان
«ايقىن»
