قازاق ەپوستارىنىڭ ۇزىندىلەرى ەۋروپا ساحنالارىندا قويىلماق

استانا. قازاقپارات - قازاق ميۋزيكلدارى ەۋروپا ساحنالارىندا قويىلماق. بۇل تۋرالى بۇگىن «قازاقستان» و ك ز- دا وتكەن «رۋحاني جاڭعىرۋ - ۇلتتىڭ جاڭعىرۋى» اتتى دوڭگەلەك ۇستەلدە «قازاق كونسەرت» مەملەكەتتىك كونسەرتتىك ۇيىمىنىڭ ديرەكتورى اسحات ماەميروۆ مالىمدەدى،

  دەپ حابارلايدى «قازاقپارات» ح ا ا ءتىلشىسى.

 «ءبىزدىڭ ۇجىم 1 - جەلتوقساننان باستاپ ەۋروپانىڭ ءىرى قالالارىن ارالاپ، ونەر كورسەتپەك. باستى ماقساتىمىز - قازاقستاندىق مادەنيەتتى جاھاندىق ارەناعا الىپ شىعۋ. استانا ميۋزيكل تەاترى وپەرامەن ۇيلەستىرىپ، ەپوستاردان ۇزىندىلەر جاساپ، ۇلتتىق ءىنجۋ- مارجاندارىمىزدى، قازاق ميۋزيكلدارىن ەۋروپا ساحنالارىنا الىپ شىقپاقشى»، - دەدى اسحات ماەميروۆ.

سونداي- اق، ول ەلباسىمىزدىڭ رۋحاني قۇندىلىقتاردى ارقاۋ ەتكەن باعدارلامالىق ماقالاسىنىڭ يۋنەسكو- نىڭ باس شتاب- پاتەرىندە كەڭىنەن تالقىلانعانىن تىلگە تيەك ەتتى.

 ايتا كەتەيىك، ۇلتتىق رۋحىمىزدى دارىپتەۋگە ارنالعان شاراعا ابايتانۋشى، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ دوتسەنتى ومار جالەل ۇلى، ايتىسكەر اقىن سەرىكزات دۇيسەنعازى قاتىستى.

اۆتور: اقبوپە ءابدراسۋل