قازاق ەلىنىڭ لاتىن الىپبيىنە ءوتۋىن قىتايداعى قانداستارىمىز دا قولدادى

استانا. قازاقپارات - جيىرما جىلدان استام لاتىن قارپىن پايدالانعان شىنجاڭداعى اعايىن قازىر توتە جازۋدى پايدالانادى. ال كيريلل قارپىن كوپشىلىگى تانىمايدى. سوندىقتان لاتىن الىستاعى اعايىنمەن اقپارات الماسۋدى جەڭىلدەتەدى.

 بەلگىلى تۇرىكتانۋشى، عالىم ەركىن اۋعالي وسىنداي پىكىردە. ونىڭ ايتۋىنشا، قازاقستان قوعامى جاڭا قارىپتى قابىلداۋعا دايىن. ويتكەنى بۇل ماڭىزدى قادام ءبىراز جىلدان بەرى تالقىلانىپ كەلەدى. ال لاتىن جازۋى اقپاراتتىق- تەحنولوگيا ءتىلى ەكەنىن قازىر جاس تا، جاسامىس تا بىلەدى. قىرىق جىلدان بەرى قىتاي ورتالىق ۋنيۆەرسيتەتىندە ورحون- ەنيسەي، اراب، ۇيعىر تىلدەرىنەن ساباق بەرىپ كەلە جاتقان عالىم كونە تۇرىكشەنى دە لاتىنشاعا ترانسكريپتسيالاعان.

 ەركىن اۋعالي، قىتاي ورتالىق ۇلتتار ۋنيۆەرسيتەتىنىڭ قازاق ءتىلى جانە ادەبيەت فاكۋلتەتىنىڭ پروفەسسورى:

 - لاتىنعا كوشۋ تۋرالى ۇزاق جىل تالقى جاساپ، بيلىك تە، عالىمدار دا سابىرلىقپەن قابىل ەتۋى دۇرىس. 90 -جىلداردىڭ ورتاسىندا ءبىراز ەلدەر اسىعىس ءوتتى. ال قازاقستاندا تولىق تالقى جاسالدى.

www.24.kz