موڭعوليا پرەمەر-ءمينيسترى بۇركىتشى قىز ايشولپان قابىلدادى
ا ق ش كينوگەرلەرىنىڭ «بۇركىتشى قىز» فيلمى ارقىلى الەمگە تانىمال بولعان ايشولپان قارىنداسىمىز موڭعوليا پرەمەرىمەن بولعان كەزدەسۋگە قازاقتىڭ ۇلتتىق كيىمىن كيىپ بارعان. اتالعان ەلدىڭ پرەمەرى Facebook الەۋمەتتىك جەلىسىندەگى جازباسىندا ايشولپان باس كەيىپكەر رەتىندە تۇسىرىلگەن فيلم موڭعول ەلىن الەمگە تانىتقانىن جازدى .
«الەم حالقىنىڭ ماقتانىشىنا اينالعان بۇركىتشى قىزدى قابىلداپ، جۇزدەستىم. بۇركىتپەن ساياتشىلىق قۇرۋ دەگەنىمىز كىشكەنتاي قىز تۇرماق ەر جىگىتتەر ءۇشىن دە ەرلىك پەن باتىلدىقتى تالاپ ەتەتىن قيىن شارۋا. ال، ايشولپان سەكسەنگە جۋىق ەر ازاماتتى شاڭ قاپتىرىپ، بۇركىتشىلەر مەرەكەسىندە العا شىقتى. ول تۋرالى جاسالعان دەرەكتى فيلم الەم ەلدەرىن ەلەڭ ەتكىزدى. «ازيا قۇرلىعىن جاڭعىرتۋشى مارتەبەلى تۇلعا» دەگەن ابىرويلى سىيلىقتىڭ يەگەرى بولىپ، موڭعول ەلىنىڭ دۇنيەجۇزىلىك ارەنادا بەدەلىن كوتەردى» ، - دەپ مالىمدەدى ەل پرەمەرى ءوز جازباسىندا.
اۆتورى: بەيسەن سۇلتان ۇلى
