19:40, 07 - قاراشا 2017 | GMT +6
عالىمدار جۇرەك اۋرۋلارىن تولىقتاي ەمدەيتىن ۆاكسينا ويلاپ تاپتى
استانا. قازاقپارات - ۆيرۋستى اعزاڭىزعا ءبىر رەت قانا ەنگىزۋ ارقىلى جۇرەك تالماسىن تولىقتاي الدىن الۋىڭىزعا بولادى.
بۇل تۋرالى technologyreview.com باسىلىمى جازدى.
امەريكالىق عالىمدار جۇرەك- قان تامىرلارى اۋرۋلارى مەن جۇرەك تالماسىن تولىقتاي الدىن الۋعا كومەكتەسەتىن گەندىك تەراپيا ءتۇرىن ويلاپ تاپتى. بۇل ءۇشىن ماۋنت- سيناي اۋرۋحاناسىنىڭ ماماندارى گەندىك- موديفيكاتسيالىق ۆيرۋستاردى پايدالانعان ەكەن. اتالعان ۆيرۋس اعزاعا ەنگەننەن كەيىن جۇرەك تالماسى بولۋ قاۋپىن% 30 عا دەيىن تومەندەتكەن.
اتالعان گەندىك تەراپيا اعزاداعى اقۋىز فوسفاتازىن تومەندەتۋگە باعىتتالعان. فوسفوتاز ادەتتە جۇرەككە قان ايداۋ پروتسەسسىن قيىنداتادى. عالىمداردىڭ ايتۋىنشا، جۇرەك اۋرۋلارىن تولىقتاي ەمدەۋ ءۇشىن جامباس ارتەرياسى ارقىلى قانعا جىبەرۋ جەتكىلىكتى. مامانداردىڭ قۋانىشىنا وراي، جاڭا ەمدەۋ ءتاسىلىنىڭ دەنساۋلىققا كەرى اسەرى جوق. ونىڭ كومەگىمەن كوپتەگەن ناۋقاستاردى ەمدەپ جازۋعا بولادى.
