قازاقستاننىڭ ۇزدىك سپورتشىلارىن العاش رەت جانكۇيەرلەر انىقتايدى

الماتى. قازاقپارات - قازاقستاندا «جىلدىڭ ۇلتتىق سپورت جۇلدەسى» بايقاۋى بويىنشا داۋىس بەرۋ شاراسى باستالدى، ەندى جانكۇيەرلەر ەڭ مىقتى سپورتشىنى وزدەرى انىقتايدى، دەپ حابارلايدى قازاقپارات ءتىلشىسى.

بايقاۋ قازاقستان رەسپۋبليكاسى ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىبايەۆتىڭ باستاماسىمەن وسىمەن ءۇشىنشى رەت وتكىزىلىپ وتىر. داۋىس بەرۋ ق ر ۇ و ك- نىڭ www.olympic.kz رەسمي سايتىندا 28 -قاراشاعا دەيىن جالعاسادى. بايقاۋ قورىتىندىسى 30 -قاراشادا سالتاناتتى تۇردە شىعارىلماق.

ناقتىراق ايتقاندا، ۇزدىك سپورتشىلاردى انىقتاۋ جانكۇيەرلەرگە 9 اتالىم بويىنشا تاپسىرىلىپ وتىر.

«2017 -جىلدىڭ سپورت كۇنتىزبەسى جاڭالىققا تولى. ءبىزدىڭ سپورتشىلارىمىز قاتىساتىن حالىقارالىق سايىستار بيىل وتە كوپ. ۇلتتىق سپورت جۇلدەسىن انىقتاۋدا جانكۇيەرلەردى بەلسەندى بولۋعا شاقىرامىز»، - دەدى ۇلتتىق وليمپيادا كوميتەتىنىڭ باس حاتشىسى دانيار ءابىلعازين.

ءار اتالىمعا 3-6 ۇمىتكەردەن ۇسىنىلعان. ۇمىتكەرلەر اراسىندا وليمپيادا چەمپيونى ولگا رىپاكوۆا، ۆەلوشاباندوز الەكسەي لۋسەنكو، ۋنيۆەرسيادا جەڭىمپازى فريستايل- موگۋلشى يۋليا گالىشەۆا، سونداي-اق شورت-ترەك، بياتلون، بوكس، تاەكۆوندو سىندى ءبىرقاتار سپورت تۇرىنەن قۇراما كوماندالاردىڭ باس جاتتىقتىرۋشىلارى بار. سونىمەن قاتار، جانكۇيەرلەر ۇزدىك دەنە شىنىقتىرۋ جانە سپورت باسقارمالارى مەن جىلدىڭ ۇزدىك كومانداسىن انىقتايتىن بولادى.

«بۇعان دەيىن ۇلتتىق سپورت جۇلدەسىن ارنايى كوميسسيا انىقتاسا، بيىل جانكۇيەرلەر تاڭدايدى. سوندىقتان، بيىلعى ۇلتتىق سپورت جۇلدەسى جاڭا فورماتتا، تەلەۆيزيا فورماتىندا كورەرمەن قولداۋىمەن وتكىزىلگەلى وتىر»، - دەيدى دانيار ءابىلعازين.