جاپوندار عارىشتاعى قوقىستان ساقتانۋدىڭ جولىن ىزدەي باستادى

 استانا. قازاقپارات - عالىمدار سوڭعى جىلدارى عارىشتاعى مەتالل قالدىقتارىنان پايدا بولعان قوقىستاردى جويۋ ماسەلەسىنە باس قاتىرىپ كەلەدى.

 جاپون عالىمدارى دا عارىشتاعى جەر سەرىكتەرىن قورعاۋ ماقساتىندا ارنايى جوبانى باستاماق. كۇنشىعىس ەلىنىڭ قورعانىس مينيسترلىگى جاڭا جوباعا 4,4 ميلليارد (28 ميلليون دوللار) شىعىنداماق ەكەن. ولار عارىشتاعى جەر سەرىكتەرىنىڭ ماڭىنا 2023 -جىلى ارنايى رادار ورناتپاق. رادار عارىشتاعى قوقىستىڭ جاپون جەر سەرىگىنە قانشالىقتى قاۋىپتى ەكەنىن انىقتايتىن بولادى. سول ارقىلى جەر سەرىكتىڭ باعىتىن وزگەرتىپ، قاۋىپتىڭ الدىن الاتىن بولادى. جاپوندار بۇل راداردى عارىشتاعى قوقىستى جوياۋ ماقساتىندا دا پايدالانۋدى جوسپارلاپ وتىر ەكەن.

 بۇگىندە عارىشقا ۇشىرىلعان اپپاراتتاردىڭ %90 دان استامى جارامسىز قالعان. ولار: ىستەن شىققان عارىش ستانتسيالارى، زىمىران بولشەكتەرى، استروناۆت قۇرالدارى، ت. ب. زەرتتەۋشىلەر دەرەگى بويىنشا، عارىشتاعى قوقىستار تاپانشا وعىنان ون ەسە قاتتى جىلدامدىقپەن قوزعالادى. بۇل دەگەنىمىز -  عارىشتى زەرتتەۋ اپپاراتتارىنىڭ ىستەن شىعۋىنا بىردەن- ءبىر سەبەپكەر.

 - كىشكەنتاي مەتالل قالدىعىنىڭ ءوزى جەر سەرىگىنە ايتارلىقتاي اقاۋ ءتۇسىرۋى، جارامسىز ەتۋى ىقتيمال. مۇنىڭ سوڭى ۇلكەن شىعىنعا ۇشىراتادى. سوندىقتان دا عارىشتى قوقىستان تازارتۋ كەرەك، - دەگەن ەدى وسىعان دەيىن عالىمدار. قازىرگى تاڭدا عارىشتى قوقىستان تازارتۋ جايلى كوپتەگەن جوبالار دايىندالۋدا. دەگەنمەن عالىمدار ءبىراۋىزدان ماقۇلداپ، ءتيىمدى سانالاتىن جوبا ءالى ازىرلەنە قويماپتى.

ايتا كەتەيىك، وسىعان دەيىن الەمدەگى تانىمال Business Insider باسىلىمى عارىشتى ەڭ كوپ لاستايتىن ەلدەردىڭ ءتىزىمىن جاريالاعان ەدى. بۇل تىزىمدە ءبىرىنشى ورىندا ا ق ش تۇر. ودان كەيىنگى ورىندارعا رەسەي مەن قىتاي ەلدەرى ورنالاسقان.

 

Massaget.kz