13:20, 04 - قاراشا 2017 | GMT +6
قوستاناي وبلىسىندا مامونتتىڭ ازۋ ءتىسى تابىلدى - كەسكىن
قوستاناي. قازاقپارات - قوستاناي وبلىسىنىڭ جانكەلدين اۋدانىندا ەجەلگى زاماندا تىرشىلىك ەتكەن جانۋاردىڭ ازۋ ءتىسى تابىلدى، دەپ حابارلايدى قازاقپارات ءتىلشىسى.
بۇل ارتەفاكت كەشە جانكەلدين اۋدانىنا قاراستى اققورا قىستاعىنان تابىلدى. جەرگىلىكتى شارۋا مۇرات سالمۇراتوۆ مۇنى اۋىل ىرگەسىندەگى قىراتتان تاۋىپ العانىن ايتادى.
«باسىندا مامونتتىڭ ءتىسى ەكەنىن بىلگەن جوقپىن. دەگەنمەن، عالامتورداعى سۋرەتتەرمەن سالىستىرسام، دالمە-ءدال كەلىپ تۇر. جاقىندا ورتالىق مۋزەيگە تاپسىرامىن»، - دەدى مۇرات سالمۇراتوۆ.
ازۋ ءتىستىڭ ۇزىندىعى - 16 س م. مۋزەي قىزمەتكەرلەرىنىڭ ايتۋىنشا، مۇنداي مامونت قالدىعى ايماعىمىزدىڭ باعزى داۋىردەگى فاۋناسىنان سىر شەرتەتىن ەكسپوزيسيالار قاتارىنان ءوز ورنىن تابادى. ءبىراق وعان دەيىن ول اۋەلى بارلىق ەرەجەلەرگە سايكەس قويماعا راسىمدەلىپ، جارىق پەن وتتەگى اسەرىنەن بۇلىنبەس ءۇشىن ارنايى حيميالىق قۇرامدارمەن وڭدەلۋى كەرەك.
