12:09, 04 - قاراشا 2017 | GMT +5
جاپونيا ولجاس سۇلەيمەنوۆكە وردەن تاعادى
استانا. قازاقپارات - جاپونيا ۇكىمەتى تانىمال قازاقستاندىق قوعام قايراتكەرى، اقىن ولجاس سۇلەيمەنوۆتى وردەنمەن ماراپاتتايدى، دەپ حابارلايدى «قازاقپارات» ح ا ا ءتىلشىسى قازاقستانداعى جاپونيا ەلشىلىگىنە سىلتەمە جاساپ.
«بۇگىن جاپونيا ۇكىمەتى 2017 -جىلدىڭ كۇزىندە وردەنمەن ماراپاتتالاتىن شەتەلدىك ازاماتتاردىڭ ءتىزىمىن جاريالايدى. وردەن يەگەرلەرىنىڭ اراسىندا قر ازاماتى، نيەۆادا سەمەي حالىقارالىق قوزعالىسىنىڭ پرەزيدەنتى ولجاس سۇلەيمەنوۆ تە بار»، - دەپ حابارلادى جاپون ەلشىلىگىنەن.
ديپلوماتيالىق ميسسيانىڭ اقپاراتى بويىنشا، ماراپات «كۇنشىعىس وردەنى، التىن شۋاق» دەپ اتالادى. جاپونيا يمپەراتورىنىڭ اتىنان بەرىلەتىن وردەنمەن جاپونيامەن دوستىق قاتىناستى دامىتۋعا ۇلەس قوسقان شەتەلدىك ازاماتتار ماراپاتتالادى.
