پاۆلودارلىق فەرمەرلەر زيانكەستەرمەن جۇقتىرىلعان قىرعىزستان كارتوبىنا شاعىمداندى

پاۆلودار. قازاقپارات - پاۆلودار وبلىسىنىڭ كارتوپ وسىرۋشىلەرى اۋىل شارۋاشىلىعى ۆيتسە- ءمينيسترى رۇستەم قۇرمانوۆقا وڭىرگە قىرعىزستاننان اسا قاۋىپتى پارازيتپەن جۇقتىرىلعان كارتوپتىڭ ءجيى جەتكىزىلەتىنىنە شاعىمداندى، دەپ حابارلايدى قازاقپارات ءتىلشىسى.

«سوڭعى ۋاقىتتا قىرعىزستان تاراپىنان وبلىس اۋماعىنا كارانتينگە جاتقىزىلعان ونىمدەردى، سونىڭ ىشىندە التىن تۇستەس نەماتودامەن جۇقتىرىلعان كارتوپتى اكەلۋ وقيعالارى جيىلەپ كەتتى. كارتوپ ەگۋمەن اينالىساتىن ءوڭىردىڭ اۋىلشارۋاشىلىق وندىرۋشىلەرى رەتىندە ءبىزدى فيتوسانيتارلىق قاۋىپسىزدىكپەن قامتاماسىز ەتۋ ماسەلەسى قىزىقتىرادى»، - دەدى «اقتوعاي- اگرو» ج ش س باس ديرەكتورى الەكساندر تەرەنتيەۆ پاۆلودار وبلىسىنىڭ اكىمدىگىندە وتكەن كەڭەس بارىسىندا ۆيتسە- مينيسترگە قاراتا.

رۇستەم قۇرمانوۆ اتاپ وتكەندەي، قازاقستاننىڭ فيتوسانيتارلىق قىزمەتى كارانتينگە جاتقىزىلعان يمپورتتى ونىمدەردى باستاپقى پۋنكتتەن، ولار تيەلگەن جۇك كولىكتەرىنىڭ بۇكىل مارشرۋتىن قاداعالايدى.

«بۇل جۇمىس ە ا ە و- عا سايكەس ناقتى جۇرگىزىلەدى. اعىمداعى جىلدىڭ باسىنان قىرعىزستاننان كەلىپ جاتقان ونىمدەر بويىنشا ە ا ە و- نىڭ فيتوسانيتارلىق زاڭناماسىن بۇزۋدىڭ 156 دەرەگىن انىقتادىق. بۇل رەتتە، كارانتيندى نىساندارمەن جۇقتىرىلعان ونىمدەردى انىقتاۋدىڭ 36 فاكتىسى، قازاقستاننىڭ عانا ەمەس، ە ا ە و- نىڭ وزگە ەلدەرىنىڭ اۋىل شارۋاشىلىعى ءۇشىن دە ءسوزسىز قاۋىپ توندىرەدى»، - دەدى ۆيتسە- مينيستر.