13:27, 02 - قاراشا 2017 | GMT +6
دينارا ءسادۋاقاسوۆا ورتالىق ازيانىڭ شاحمات حانشايىمى اتاندى
استانا. قازاقپارات - دينارا ءسادۋاقاسوۆا قازاقستان جانە ورتالىق ازيا شاحماتشىلارى اراسىندا جوعارى رەيتينگكە يە بولدى، دەپ حابارلايدى قازاقستان شاحمات فەدەراتسياسى.
حالىقارالىق شاحمات فەدەراتسياسىنىڭ (ف ي د ە) مالىمەتىنشە، قازاقستاندىق شاحماتشى، ەرلەر اراسىندا حالىقارالىق شاحمات شەبەرى دينارا ءسادۋاقاسوۆانىڭ رەيتينگى 2460 قا دەيىن وسكەن.
وسىلايشا، ول الەمنىڭ ۇزدىك شاحماتشىلارى تىزىمىندە 23-ورىنعا كوتەرىلدى. بۇل قازاقستان جانە ورتالىق ازيا ايەلدەر شاحماتى تاريحىنداعى ەڭ جوعارى كورسەتكىش.
قازىرگى ۋاقىتتا سپورتشى ازيا شاحماتشىلارى رەيتينگىندە سەگىزىنشى ورىنعا يە، ال قازاقستان رەيتينگىندە كوش باستاپ تۇر.
الداعى جوسپارلارى جايلى ايتقاندا، دينارا 5- قاراشا كۇنى ەلوردانىڭ ءىرى ساۋدا ورتالىقتارىنىڭ بىرىندە شاحمات اكادەمياسىنىڭ قازاقستانداعى UNICEF وكىلدىگىمەن بىرلەسىپ وتكىزەتىن بليتس-شاحمات تۋرنيرىنە قاتىساتىنىن ايتتى. اتالعان جارىس دۇنيەجۇزىلىك بالالار كۇنىنە ارنالعان.
