قازاقستان مەن قىتاي اۆتوموبيلمەن جۇك تاسىمالىن جاساۋ بلانكتەرىمەن الماستى
«ەكى ەل وتكىزۋ بەكەتتەرى اۋدانىندا شەكارا بويىنداعى تەرمينالدار ارالىعىندا جۇكتەردى تاسىمالداۋعا ارى- بەرى ءبىر رەت ءجۇرىپ وتۋگە مۇمكىندىك بەرەتىن 10 مىڭ С تۇرىندەگى رۇقساتتامالارمەن الماستى» دەلىنگەن حابارلامادا.
سونداي- اق، ەكى جاققا ءبىر ساپار جاساۋ قۇقىعى بار بەلگىلى باعدارلارمەن جۇك تاسىمالداۋعا 1 مىڭ D تۇرىندەگى رۇقساتتاما بەرىلگەن. D تۇرىندەگى رۇقساتتاما بۇل رۇقساتتامالاردىڭ جاڭا ءتۇرى ەكەنىن اتاپ وتكەن ءجون. ۆەدومستۆونىڭ باسپا ءسوز قىزمەتى تاراتقان مالىمەتكە سۇيەنسەك، ول قازاقستاندىق تاسىمالداۋشىلارعا قىتايدان تومەندە اتالعان جاڭا باعدارلارمەن جۇكتەردى جەتكىزۋگە مۇمكىندىك بەرەدى:
الماتى - قورعاس - ءۇرىمجى؛ الماتى - دوستىق - ءۇرىمجى؛ الماتى - قورعاس - ىلە؛ تالدىقورعان - قورعاس - ءۇرىمجى؛ شونجى - دوستىق - ىلە؛ وسكەمەن - مايقاپشاعاي - ءۇرىمجى؛ سەمەي - باقتى - ءۇرىمجى؛ سەمەي - مايقاپشاعاي - التاي؛ زايسان - جەمەناي.
اۆتور: ەربول جانات
