الماتى يۋنەسكو-نىڭ شىعارماشىلىق قالالار جەلىسىنە قوسىلدى

استانا. قازاقپارات - يۋنەسكو- نىڭ باس ديرەكتورىنىڭ شەشىمىمەن شىعارماشىلىق قالالار جەلىسىنىڭ جاڭا مۇشەلىگىنە 44 مەملەكەتتىڭ 64 قالاسى ءوتتى، دەپ حابارلايدى قازاقپارات اتالعان ۇيىمنىڭ رەسمي سايتىنا سىلتەمە جاساپ.

«يۋنەسكو- نىڭ شىعارماشىلىق قالالار جەلىسى ول يننوۆاتسيالىق باعىتتاردى تۇراقتى دامىتۋ جانە ولكەنىڭ قايتالانباس ەرەكشەلىكتەرىن جوعارلاتۋدا ولشەۋسىز ۇلەس قوسىپ كەلە جاتىر. جەلىگە جەرگىلىكتى بيلىك تاراپىنان قىزىعۋشىلىق ارتۋدا. الەمدىك جۇيەگە ەنگىزىلىپ وتىرعان جاڭا قالالار ولاردىڭ دامۋ ءارالۋاندىعىن انىق كورسەتەدى»، - دەدى ۇيىمنىڭ باس ديرەكتورى يرينا بوكوۆا.

بۇگىندە الەمدىك جەلىگە 72 ەلدىڭ 180 قالاسى كىرگىزىلگەن. يۋنەسكو-نىڭ جاڭا شىعارماشىلىق قالالارى قاتارىنا البا (يتاليا) - گاسترونوميا، الماتى (قازاقستان) - مۋزىكا، برازيليا (برازيليا)، دۋباي (بىرىككەن اراب امىرلىگى) - ديزاين، بريستول ( ۇلى بريتانيا) - كينەماتوگرافيا، پۋچحون (كورەيا) - ادەبيەت، كاير (ەگيپەت)، شەكي (ازەربايجان) - دەكوراتيۆتى- قولدانبالى جانە حالىقتىق مادەنيەت، تورونتو (كانادا) - مەدياونەر كىرگەن.