قايىن اتاسىنىڭ ءسوزىن كوتەرە الماعان كۇيەۋ جىگىت قالىڭدىعىن توي ۇستىندە تاستاپ كەتتى
بۇل تۋرالى NUR. KZ پورتالى islamnews.ru سايتىنا سىلتەمە جاساپ حابارلايدى.
قالىڭدىقتىڭ اكەسى كۇيەۋ جىگىتكە ۇنامايتىن تالاپ قويعان. ول قىزى كولىك باسقارۋدى ارمانداپ جۇرگەنىن العا تارتىپ، ونىڭ بۇل قالاۋىنا كەدەرگى كەلتىرمەۋىن سۇراپتى.
مۇنى ەستىگەن جىگىت اشۋلانعانى سونشالىق، توي باستالۋعا ساناۋلى مينۋت قالعاندا قالىڭدىقتى تاستاپ كەتكەن.
ايتا كەتەرلىگى، بۇعان دەيىن كۇيەۋ جىگىت پەن قالىڭدىقتىڭ تۋىستارى اراسىندا كەلىسسوز جۇرگىزىلىپ، جىگىت قالىڭدىعىنىڭ جۇمىس ىستەۋىنە ەش قارسىلىق كورسەتپەۋگە كەلىسكەن ەكەن.
الايدا قالىڭدىقتىڭ كولىك ايداۋىنا دا قارسى بولماۋىن سۇراعان قايىن اتاسى كۇيەۋ جىگىتتىڭ شىدامىن تاۋىسقان. كۇيەۋ جىگىتتى ەشكىم رايىنان قايتارا الماپتى.
ەسكە سالساق، ەلدە ايەلدەرگە كولىك باسقارۋعا رۇقسات ەتەتىن زاڭنىڭ قابىلدانۋى ەر ازاماتتاردىڭ اشۋىنا تيگەن بولاتىن. ساۋديالىق جىگىتتەردىڭ پىكىرىنشە، نازىك جاندىلارعا كولىك باسقارۋعا مۇلدە بولمايدى.
