12:19, 31 - قازان 2017 | GMT +6
قازاقستاندا تىركەۋگە تۇرۋ جەڭىلدەتىلدى
استانا. قازاقپارات - قازاقستاندىقتار ءۇشىن تۇرعىلىقتى مەكەن-جايى بويىنشا انىقتاما الۋ جەڭىلدەتىلدى.
ءى ءى م باسپا ءسوز قىزمەتىنىڭ مالىمەتىنشە، 2017-جىلدىڭ 1- قاراشاسىنان باستاپ حالىققا قىزمەت كورسەتۋ ورتالىقتارىندا تىركەۋدىڭ جاڭا مەحانيزمى ەنگىزىلەدى.
«ءبىز ادىلەت مينيسترلىگىمەن جانە «ازاماتتارعا ارنالعان ۇكىمەت» مەملەكەتتىك كورپوراتسياسىمەن كەلىسە وتىرىپ، مەكەن-جاي بويىنشا تىركەلۋدى جەڭىلدەتتىك. ول ءۇشىن ارنايى اقپاراتتىق جۇيە ەنگىزىلدى»، - دەيدى ءى ءى م ورىنباسارى ەرلان تۇرعىمبايەۆ.
جاڭا ەرەجەگە سايكەس، ازاماتتاردان تۇرعىن ۇيگە ارنالعان نورماتيۆتىك قۇجاتتارى نەمەسە جىلجىمايتىن مۇلىكتىڭ تىركەلگەنىنە قاتىستى انىقتاما تالاپ ەتىلمەيدى. جۇيە بويىنشا مەكەن-جايعا قاتىستى اقپارات تىركەلگەن مەكەن-جاي كودىنا سايكەس ەنگىزىلەدى.
