قازاقستان قاي ەلدەرگە مۇناي ساتادى؟

استانا. قازاقپارات -  2017- جىلدىڭ قاڭتار- تامىز ارالىعىندا قازاق مۇنايىنىڭ ەكسپورتى $16,7 ميلليارد (43,9 ميلليون توننا) بولدى.

اتالعان كورسەتكىش وتكەن جىلدىڭ وسى ۋاقىتىمەن سالىستىرعاندا 37,5 پايىز ءوستى.

ستاتيستيكا كوميتەتىنىڭ مالىمەتىنشە، سەگىز ايدا قازاقستان 27,2 ميلليون توننا شيكىزات ساتىلعان.

قازاق مۇنايىنىڭ ەڭ ءىرى تۇتىنۋشىسى يتاليا ($5,5 ميللياردقا مۇناي ساتىپ الدى). بۇل ەلدىڭ يمپورتى وتكەن جىلدىڭ سايكەس ۋاقىتىمەن سالىستىرعاندا 28 پايىزعا ۇلعايدى.

تيىسىنشە، گوللانديا $2,5 ميلليارد، شۆەيتساريا $1,6 ميلليارد، ال فرانسيا $1,7 ميللياردقا مۇناي ساتىپ الدى.

ءوز كەزەگىندە يسپانيا $817,7 ميلليون، گرەكيا $577,6 ميلليون، رۋمىنيا $566 ميلليون، قىتاي $523,3 ميلليون، پورتۋگاليا $374 ميلليوننىڭ ءونىمىن ساتىپ الدى.

سونىمەن قاتار يمپورتتاۋشىلار قاتارىندا حورۆاتيا، كورەيا، ءۇندىستان مەن وزگە دە ەلدەر بار.

naryk.kz