الماتى وبلىسىندا ءبىر ءۇيىر جىلقىنى بارىمتالاعاندار ۇستالدى

تالدىقورعان. قازاقپارات - الماتى وبلىسىندا ءبىر ءۇيىر جىلقىنى ايداپ الىپ كەتكەن بارىمتاشىلار توبى قۇرىقتالدى، دەپ حابارلايدى قازاقپارات ءتىلشىسى.

35 باس جىلقىنىڭ جوعالعانى تۋرالى اقپارات اقسۋ اۋدانىنىڭ ىشكى ىستەر بولىمىنە كەلىپ تۇسكەن.

شاعىمدانۋشى اۋداندا تانىمال جىلقىشى بولىپ شىقتى. ول 4 كۇن بۇرىن جىلقىنىڭ كولتابان اۋىلى ماڭىنداعى جايىلىمنان ايداپ اكەتىلگەنى جانە ءوز كۇشىمەن ىزدەگەنىنەن ەشقانداي ناتيجە بەرمەگەندىگىن مالىمدەگەن.

جەدەل ىزدەستىرۋ شارا بارىسىندا اقسۋ اۋداندىق ءى ءى ب ماماندارى تاۋلىك ىشىندە ۇرلانعان جىلقى ىزىنە ءتۇسىپ، ءبىر توپ بارىمتاشىلاردى ۇستادى. قامبار اتا ءتولىن ءتارتىپ ساقشىلارى ەسكەلدى اۋدانى، سىرىمبەت اۋىلىنداعى جەكە ءۇي اۋلاسىنان تاۋىپ الدى.

سول جەردە پوليتسەيلەر جىلقى ۇرلادى دەگەن كۇدىكپەن 6 ادامدى تۇتقىنداپ، اقسۋ اۋداندىق ءى ءى ب جەتكىزىلدى.

ءتارتىپ ساقشىلارى 20 جىلقىنى تاۋىپ يەسىنە قايتاردى.

ايتا كەتەرلىك جايت، بارىمتاشىلار ءبىر جىلقىنى قاساپتاپ سويىپ جاتقان كەزدە ۇستالدى. مالدىڭ ەتى دە تىركەلىپ، جىلقىشىعا بەرىلدى. جولشىباي ساتىلىپ كەتكەن قالعان 14 جىلقى دا ىزدەستىرىلىپ جاتىر.

تەرگەۋ امالدارى ق ر ق ك 188-بابى 3-بولىگىنە ساي جۇرگىزىلۋدە. سونداي-اق بارىمتاشىلاردىڭ باسقا دا قىلمىسقا قاتىسى بار-جوعى انىقتالۋدا.

اۆتور: سامال قابىشەۆا