داريعا نازاربايەۆا دۋما دەپۋتاتتارىمەن كەزدەستى
د. نازاربايەۆا قازاقستان مەن رەسەيدىڭ تاتۋ كورشىلىك قاتىناستارىن نىعايتۋدا پارلامەنتارالىق بايلانىستار نەگىزگى ماسەلەلەردىڭ ءبىرى ەكەنىن اتاپ ءوتتى.
سەناتور ت م د جانە ۇ ق ش ۇ پارلامەنتارالىق اسسامبلەيالارى سەكىلدى الاڭداردا ءوزارا پارلامەنتارالىق ءىس-قيمىلدى ودان ءارى نىعايتۋ جايىندا ايتتى.
ۆ. شامانوۆ قازاقستان پرەزيدەنتى ن. نازاربايەۆتىڭ سيرياداعى شيەلەنىستى رەتتەۋگە قوسقان زور ۇلەسىن اتاپ ءوتتى.
استاناداعى كەلىسسوزدەر اياسىندا قول جەتكەن جەتىستىكتەر ونىڭ ماڭىزدىلىعىن دالەلدەگەن بولاتىن. «استانا حالىقارالىق شيەلەنىستەردى شەشۋدەگى الەمدىك ورتالىقتاردىڭ بىرىنە اينالدى»، - دەپ اتاپ ءوتتى ول.
سەناتور ءوز كەزەگىندە سيرياداعى جاعدايدى تۇراقتاندىرۋداعى، دايش جانە باسقا دا تەررورشىل توپتاردىڭ اسكەري جانە قارجىلاي الەۋەتىن جويۋداعى رەسەيدىڭ ەرەكشە ءرولىن اتاپ ءوتتى.
«قازاقستان بۇدان بىلاي دا سيرياداعى تەكەتىرەستى بەيبىت رەتتەۋگە جاردەمدەسۋگە، ونىڭ ىشىندە استانادا سيرياارالىق كەلىسسوزدەردى جۇرگىزۋگە بارلىق قاجەتتى جاعدايدى جاساۋعا ءازىر»، - دەدى د. نازاربايەۆا.
رەسەي دەپۋتاتتارى مەملەكەتتىك دۋماداعى زاڭ شىعارۋ قىزمەتى، سونداي-اق شەكارا ماڭايىنداعى ىنتىماقتاستىقتى نىعايتۋ جونىندەگى جۇمىستار بارىسى تۋرالى د. نازاربايەۆانى حاباردار ەتتى.
كەزدەسۋ بارىسىندا حالىقارالىق كۇن ءتارتىبىنىڭ باسقا دا ماڭىزدى سالالارى، اتاپ ايتقاندا يادرولىق تاقىرىپقا قاتىستى يرانداعى وزەكتى ماسەلەلەر مەن اۋعانستانداعى احۋالدى تۇراقتاندىرۋ دا تالقىلاندى.
