تاسماعامبەتوۆ رەسەي مەن قازاقستاننىڭ دوستىعىن ماقالداتىپ جەتكىزدى
بۇل تۋرالى ەلشىلىكتىڭ رەسمي سايتىنا سىلتەمە جاساعان NUR. KZ پورتالى حابارلايدى.
جيىندى باستاعان قازاقستاننىڭ رەسەيدەگى توتەنشە جانە وكىلەتتى ەلشىسى يمانعالي تاسماعامبەتوۆ ەكى مەملەكەتتىڭ بايلانىسى تەرەڭدە جاتقانىن، وسى ۋاقىت ارالىعىندا بەرىك رۋحاني نەگىز قالىپتاسىپ ۇلگەرگەنىن، شيرەك عاسىر ارالىعىندا قازاقستان مەن رەسەي اراسىندا 300 گە تاياۋ ماڭىزى جوعارى، سەرىكتەستىكتى نىعايتاتىن ەكىجاقتى كەلىسىم جاسالعانىن ەرەكشە اتاپ ءوتتى.
«ەكىجاقتى بايلانىستىڭ ورناۋى ەكى ەلدىڭ ماسەلەنى شەشۋدە قولداناتىن ارەكەت امالدارىنا بايلانىستى. وزگە ەلدەردە وڭ شەشىمىن تاپپاعان تۇيتكىلدى ماسەلە قازاقستان مەن رەسەي اراسىندا بولعان ەمەس»، - دەدى جيىن بارىسىندا يمانعالي تاسماعامبەتوۆ.
وسى رەتتە ەلشى مىرزا «تۋىسى جاقىن جاقىن ەمەس، قونىسى جاقىن جاقىن» دەگەن ماقالدى تىلگە تيەك ەتتى.
اتالعان كونفەرەنتسياعا قاتىسقان ازاماتتار قازاقستان مەن رەسەيدىڭ ىنتىماقتاستىعىنا جول اشاتىن كوپتەگەن فاكتورلار بار ەكەنىن ايتتى. بۇل ورتاق تاريح، 7 مىڭ كيلومەترگە ۇزاقتىققا سوزىلاتىن ورتاق شەكارا، ورتاق ءتىل جانە ۇقساس ءدىل. سوندىقتان تاتۋ كورشىلىك پەن تەڭ قۇقىقتى ىنتىماقتاستىقتان باسقا قانداي دا ءبىر وزگە ساياسات ەكى مەملەكەتتىڭ ءتۇبىرلى مۇددەلەرىنە قايشى كەلەدى.
