استانا پروتسەسىنىڭ كەزەكتى كەلىسسوزدەر كەزەڭى باستالدى

استانا. قازاقپارات - سيريا داعدارىسى بويىنشا استانا پروتسەسىنىڭ جەتىنشى كەزدەسۋىنە قاتىساتىن دەلەگاتسيالار قازاقستان استاناسىنا كەلدى.

 بۇل تۋرالى ق ر س ءى م باسپا ءسوز قىزمەتىنىڭ باسشىسى ءانۋار جايناقوۆ ءمالىم ەتتى، دەپ حابارلايدى قازاقپارات ءتىلشىسى.

«بۇگىن كۇن تارتىبىندەگى ماسەلەلەردى تالقىلاۋ بويىنشا ەكىجاقتى جانە ءۇشجاقتى كەزدەسۋلەر وتەدى. كەزدەسۋلەر باق ءۇشىن جابىق رەجىمدە وتەدى»، - دەپ اتاپ ءوتتى باسپا ءسوز قىزمەتى. پلەنارلىق وتىرىس 31 - قازاننىڭ ەكىنشىسى جارتىسىندا وتەدى.

ەسكە سالا كەتسەك، بۇعان دەيىن س ءى م حابارلاعانداي، استانا پروتسەسىندە رەسەي دەلەگاتسياسىنا ر ف پرەزيدەنتىنىڭ سيريا جونىندەگى ارنايى وكىلى الەكساندر لاۆرەنتيەۆ، تۇركيا دەلەگاتسياسىنا سىرتقى ىستەر ءمينيسترىنىڭ ورىنباسارى سەدات ونال، يران دەلەگاتسياسىنا سىرتقى ىستەر ءمينيسترىنىڭ ورىنباسارى حۋسەين دجابەري انساري باسشىلىق ەتەدى. سونداي- اق، كەزدەسۋگە سيريا ۇكىمەتى مەن سيريالىق وپپوزيتسيا وكىلدەرى كەلەدى جانە ب ۇ ۇ، يوردانيا جانە ا ق ش (تاياۋ شىعىس ىستەرى بويىنشا ا ق ش مەملەكەتتىك حاتشىسىنىڭ كومەكشىسى مىندەتىن اتقارۋشى دەۆيد ساتەرفيلد) وكىلدەرى باقىلاۋشى رەتىندە قاتىسادى.

 استانا پروتسەسىنىڭ جەتىنشى كەزدەسۋى سيريادا ۇرىس ءىس- قيمىلدارىن دوعارۋ رەجىمىن نىعايتۋ بويىنشا قول جەتكىزىلگەن ناتيجەلەردى ساقتاۋعا، سونداي- اق داعدارىستى ساياسي رەتتەۋگە ءوتۋ كەزەڭىندە اتالعان ەلدەگى جاعدايدى ءارى قاراي تۇراقتاندىرۋعا باعىتتالعان.

اۆتور: ايجان سەرىكجان قىزى