قازاقستان مەن وزبەكستاننىڭ كونە قالالارى تۋرالى فيلم تۇسىرىلمەك

 الماتى. قازاقپارات - «ۇلى جىبەك جولىمەن» اۆتوشەرۋى اياقتالدى، دەپ حابارلايدى قازاقپارات ءتىلشىسى.

 2 اپتا ىشىندە جۋرناليستەر مەن بلوگەرلەر، كاسىپكەرلەر وڭتۇستىك قازاقستاننىڭ 8 قالاسى مەن وزبەكستان قالالارىن اۆتوكولىكپەن ارالاپ شىقتى. ساياحاتشىلار ساپار شەگۋ ارقىلى ۇلى جىبەك جولىنىڭ كوپ عاسىرلىق تاريحى تۋرالى بايانداپ، ورتالىق ازيا ايماعىنىڭ بىرەگەي ورىندارىن تاماشالادى. ولار قوجا احمەت ياسساۋي ماۆزولەيىندە، تۇركىستانداعى قازاق حاندارىنىڭ مازارىندا، كونە شاھار تارازدا بولدى. سونداي- اق ولار وزبەكستانداعى بۇقارداعى، سامارقاند، تاشكەنتتەگى تاريحي جادىگەرلەردى ارالاپ تاماشالادى. «ءبىز ۇلى جىبەك جولىنىڭ كەرۋەن جولىمەن جۇردىك. ورتالىق ازياداعى بىرەگەي تاريحي نىسانداردى، ساۋلەت مۇرالارىن تاماشالادىق. ءبىزدىڭ ساپارىمىز ىشكى ءتۋريزمدى دامىتۋعا باعىتتالعان. قازاقستاندا ءوزىمىز بىلە بەرمەيتىن كورنەكتى ورىندار كوپ. اۆتوموبيل ءتۋريزمى دە الەمدە كەڭ تارالعان» ، - دەدى جوبا پروديۋسەرى الىبەك بەگالينوۆ.

 اۆتوشەرۋ قاتىسۋشىلارى قازاقستان مەن وزبەكستاننىڭ كونە قالالارى جونىندە دەرەكتى فيلم تۇسىرىلمەك. جاڭا تۋىندى بيىل جەلتوقساندا ەكرانعا شىعادى. كەلەسى جىلى تۋريستىك توپ ۇلى جىبەك جولىنىڭ باسقا دا قالالارىن ارالاۋدى جوسپارلاۋدا.

 

اۆتور: گۇلميرا ءعوسمانالي