ەۋروپادا قاقتالعان قىرىقاياق پەن قۋىرىلعان ءبۇيىنى جەۋگە رۇقسات ەتىلمەك

استانا. قازاقپارات - قاقتالعان قىرىقاياق، قۋىرىلعان ءبۇيى، قۇمىرسقادان كوكتەيل.

بۇل جاڭا ازىق-تۇلىك ونىمدەرى ەۋروپاداعى تاعامدار قاتارىنا كىرەدى.

كەلەر جىلى قاڭتار ايىنىڭ بىرىنەن باستاپ ەۋرووداق اۋماعىندا «نوۆەل فۋد» قاۋلىسى كۇشىنە ەنەدى، دەپ حابارلايدى حابار24.kz.

اتالمىش قۇجات جەۋگە كەلەتىن جاندىكتەردى ءوسىرىپ، ساتۋعا رۇقسات بەرەدى. بۇل ازىرگە تاعام رەتىندە قولدانىلاتىن 2 مىڭ جاندىكتىڭ بىرنەشە تۇرىنە عانا قاتىستى بولىپ وتىر. جاندىكتەر پروتەينگە باي، ءنارلى ءارى قۇنارلى بولىپ سانالادى. سوندىقتان ب ۇ ۇ- نىڭ ازىق- تۇلىك جانە اۋىلشارۋاشىلىق ۇيىمى جاندىكتەردەن جاسالعان ونىمدەردى اسقا پايدالانۋعا شاقىردى. بۇگىندە بەلگيا مەن نيدەرلاندىنىڭ دۇكەن سورەلەرىنەن مۇنداي تاۋارلاردى ءجيى كەزدەستىرۋگە بولادى. ال يتاليا حالقى جەرورتاتەڭىزدىك ديەتانى ۇستاناتىندىقتان، جاڭا ونىمدەرگە تابەتسىز.

«1-قاڭتاردان باستاپ ازىق-تۇلىك ونىمدەرىنىڭ قاتارىنا جەۋگە جارامدى جاندىكتەر دە كىرۋى مۇمكىن. سودان سوڭ نارىققا شىعارىپ، جاڭا ءونىمدى باقىلايدى. قازىردەن باستاپ قۇزىرەتتى ورگاندارعا تۇتىنۋشىلاردىڭ قاۋىپسىزدىگىنە كەپىلدىك بەرەدى»، - دەيدى «Coldiretti» شارۋالاردىڭ ۇلتتىق كونفەدەراتسيا ءبولىمىنىڭ باسشىسى رولاندو مانفرەديني.