الماتىدا وقۋشىلار قازاقتىڭ باتىر قىزدارىنىڭ باسىنا گۇل شوقتارىن قويدى

الماتى. قازاقپارات - الماتى اسكەري پاتريوتتىق كلۋبتارىنىڭ تاربيەلەنۋشىلەرى سوۆەت وداعىنىڭ باتىرى اتاعى بەرىلگەن العاشقى قازاق ايەلدەرىنىڭ تۋعان كۇنىنە ارنالعان سالتاناتتى ءىس شارا كەزىندە مانشۇك مامەتوۆا مەن ءاليا مولداعۇلوۆانىڭ ەسكەرتكىشتەرىنە گۇل شوقتارىن قويدى، دەپ حابارلايدى قازاقپارات ءتىلشىسى.

قالالىق قورعانىس دەپارتامەنتىنىڭ باسپا ءسوز قىزمەتى حابارلاعانداي، بۇل راسىمگە مايدانگەرلەر مەن تىل ارداگەرلەرى، 72-19№ مەكتەپ وقۋشىلارى، جاستار ۇيىمدارىنىڭ وكىلدەرى قاتىستى. ولار ەرلىكپەن قازا تاپقان ميلليونداعان جاۋىنگەرلەردى ەسكە الدى.

دەپارتامەنتتىڭ حابارلاۋىنشا، ۇرىس دالاسىندا مەرت بولعان ۇ و س ارداگەرلەرىن ەسكە الۋعا ارنالعان سالتاناتتى جيىندار جىلىنا بىرنەشە رەت وتكىزىلەدى. «اسكەري پاتريوتتىق تاربيە ورتا مەكتەپتەردە اسكەري قىزمەتكە مىندەتتى جانە ەرىكتى دايارلاۋ ءۇردىسى»، - دەدى تاربيەلەنۋشى ديدار عالىمجانوۆ.

«اسكەري تاريح بۇل قاي كەزدە بولماسىن وتان قورعاۋشىلاردىڭ ەرلىكتەرى مەن باتىرلىعىنىڭ، قازاقستاندىقتاردىڭ كۇشى مەن ايبىنىنىڭ مەملەكەتتىك اسقاقتىعى مەن تۋعان ەلىمىزدىڭ تاۋەلسىزدىك تۇتاستىعىنىڭ مىزعىماس بولىگى بولىپ تابىلادى»، - دەدى ا پ ك اسكەري جەتەكشىسى باقىتجان پەرىمبەتوۆ.

الماتىدا 20 شاقتى اسكەري پاتريوتتىق كلۋب بار. بۇل ۇيىمدارعا 8-9-10- سىنىپ وقۋشىلارى ەرىكتى تۇردە مۇشە بولىپ وتىر.

وقۋشىلار كلۋب بازاسىندا باستاپقى اسكەري دايىندىق كۋرسىنان وتەدى. مۇنداي كلۋبتارعا الماتى قالاسىنىڭ جەرگىلىكتى اسكەري باسقارۋ ورگاندارى جەتەكشىلىك ەتىپ، قانات جايۋىنا جان-جاقتى قولداۋ كورسەتىپ كەلەدى.