باقىتجان ساعىنتايەۆ ەرەۆاندا ەۋرازيالىق ۇكىمەتارالىق كەڭەستىڭ وتىرىسىنا قاتىستى

استانا. قازاقپارات - بۇگىن ەرەۆاندا ق ر پرەمەر-ءمينيسترى باقىتجان ساعىنتايەۆ ارمەنيا، قىرعىزستان، رەسەي جانە بەلارۋس ەلدەرىنىڭ ۇكىمەت باسشىلارىنىڭ قاتىسۋىمەن وتكەن ەۋرازيالىق ۇكىمەتارالىق كەڭەستىڭ وتىرىسىنا قاتىستى.

بۇل تۋرالى primeminister.kz حابارلايدى.

ە ۇ ا ك وتىرىسى باستالار الدىندا ارمەنيا پرەزيدەنتى س. سارگسيان ەرەۆاندا جۇمىس ساپارىمەن جۇرگەن قازاقستان، قىرعىزستان، رەسەي جانە بەلارۋس پرەمەر- مينيسترلەرىن قابىلدادى. قوناقتارعا ىزگى ءىلتيپاتىن بىلدىرگەن سوڭ سەرج سارگسيان اتالعان كەزدەسۋ قارىم-قاتىناستاردى ودان ءارى نىعايتۋ جولىنداعى تاعى ءبىر ماڭىزدى قادام بولاتىنىنا سەنىم ءبىلدىردى.

كەزدەسۋدە تاراپتار ينتەگراتسيالىق قالىپتاستىرۋلار اياسىنداعى ىسكە اسىرىلاتىن جوبالاردى تالقىلادى. ساۋدا- ەكونوميكالىق بايلانىستاردى نىعايتۋعا جانە الدىندا جاسالعان كەلىسىمدەردى ىسكە اسىرۋ بويىنشا ىنتىماقتاستىققا ەرەكشە نازار اۋدارىلدى.

شاعىن قۇرامداعى ە ۇ ا ك وتىرىسى بارىسىندا قاتىسۋشىلار ە ا ە و تسيفرلىق كۇن ءتارتىبى اياسىندا باستامالاردى پىسىقتاۋ ءتارتىبىن، ىشكى نارىقتاعى الىپ تاستاۋلار مەن شەكتەۋلەردى جويۋ بويىنشا 2018-2019 -جىلدارعا ارنالعان ءىس-شارالار جوسپارىن، اۆياتسيالىق وقيعالاردى زەرتتەۋ بويىنشا ورگان قۇرۋ جۇمىسىنىڭ بارىسى، كەمە قاتىناسى تۋرالى كەلىسىم جوباسىن، سونداي- اق ە ا ە و- دا سايكەستەندىرۋ قۇرالدارىمەن تاۋارلاردى تاڭبالاۋ تۋرالى كەلىسىم جوباسىن جانە ت. ب. قارادى.

كەڭ قۇرامداعى ە ۇ ا ك وتىرىسىندا ءسوز سويلەگەن باقىتجان ساعىنتايەۆ بۇگىنگى تاڭدا حالىقارالىق ساۋدا قاتىناستارىن ترانسفورماتسيالاۋ ءجۇرىپ جاتقانىن، قولداۋشىلىق ترەندى جانە ءىرى ەلدەر اراسىندا وڭىرلىك ساۋدا ايماقتارىن سالۋعا باسەكەلەستىكتى ارتتىرۋ كۇشەيتىلىپ جاتقانىن ايتىپ ءوتتى.

وسىعان بايلانىستى ە ا ە و ورتامەرزىمدى ۇلتتىق ساياساتتارعا جۇيەلىك تۇزەتۋ جۇرگىزۋى جانە ولاردى جاڭا شارتتارعا بەيىمدەۋى ءتيىس. ە ا ە و قۇرىلعان ساتتەن باستاپ قاتىسۋشى ەلدەردىڭ ەكونوميكالارىن دامىتۋعا باعىتتالعان باستى باعدارلامالىق قۇجاتتار قابىلداندى، الايدا قازىرگى ۋاقىتتا ولاردى ىسكە اسىرۋ وزەكتى ەكونوميكالىق تالداۋمەن نىعايتىلۋى قاجەت.

ە ۇ ا ك وتىرىسىنىڭ قورىتىندىسى بويىنشا ءبىرقاتار قۇجاتتارعا قول قويىلدى، ولاردىڭ ىشىندە ە ا ە و تسيفرلىق كۇن ءتارتىبى اياسىندا باستامالاردى پىسىقتاۋ تۋرالى، ە ا ە و مۇشە ەلدەردىڭ كەلىسىلگەن كولىك ساياساتىن ىسكە اسىرۋدىڭ نەگىزگى باعىتتارى مەن كەزەڭدەرىن جۇزەگە اسىرۋ بويىنشا جول كارتاسىنىڭ ءىس-شارالار جوسپارىن بەكىتۋ تۋرالى 2018-2020 -جىلدارعا ارنالعان شەشىمدەر بار.

بۇدان وزگە، ىشكى نارىقتاعى الىپ تاستاۋلار مەن شەكتەۋلەردى جويۋ بويىنشا 2018-2019 -جىلدارعا ارنالعان ءىس- شارالار جوسپارى تۋرالى، اۆياتسيالىق وقيعالاردى زەرتتەۋ بويىنشا ورگان قۇرۋ تۋرالى، جالپى ەلەكتر ەنەرگەتيكاسى نارىعى اياسىندا اقپاراتتىق الماسۋ جۇيەسىن قالىپتاستىرۋ تۋرالى، سايكەستەندىرۋ قۇرالدارىمەن تاۋارلاردى تاڭبالاۋ تۋرالى كەلىسىم جوباسى تۋرالى جانە 2018-2020 -جىلدارى «ەۋرازيا اپتالىعى» كورمەلىك فورۋمىن وتكىزۋ تۋرالى وكىمدەرگە قول قويىلدى. بۇدان وزگە، كەمە قاتىناسى تۋرالى كەلىسىم جوباسى تۋرالى تاپسىرمالارعا جانە باسقا دا قۇجاتتارعا قول قويىلدى.