ق ر پرەزيدەنتى شي جينپيڭدى قىتاي كومپارتياسىنىڭ باس حاتشىسى بولىپ قايتا سايلانۋىمەن قۇتتىقتادى
نۇرسۇلتان نازاربايەۆ شي جينپيڭدى قىتاي كوممۋنيستىك پارتياسى ورتالىق كوميتەتىنىڭ باس حاتشىسى قىزمەتىنە قايتا سايلانۋىمەن قۇتتىقتادى.
«ءسىزدىڭ باسشىلىعىڭىزبەن قىتاي كوممۋنيستىك پارتياسى ەلدىڭ الەۋمەتتىك-ەكونوميكالىق دامۋىن قامتاماسىز ەتۋ جانە حالىقتىڭ ءال-اۋقاتىن جاقسارتۋ بارىسىندا ەلەۋلى جەتىستىكتەرگە جەتتى. سىزگە دوستاس قىتاي مەملەكەتىنىڭ حالىقارالىق بەدەلى مەن الەۋمەتتىك-ەكونوميكالىق قۋاتىن ارتتىرۋ جولىنداعى دامىلسىز ءارى جاسامپاز ەڭبەگىڭىزگە ساتتىلىك تىلەيمىن. قازاقستان مەن قىتاي اراسىنداعى جان-جاقتى ستراتەگيالىق قارىم-قاتىناستار الداعى ۋاقىتتا دا قارقىندى داميتىنىنا، سونداي-اق حالىقتارىمىزدىڭ دوستىعى نىعايا تۇسەتىنىنە سەنىم بىلدىرەمىن»، - دەلىنگەن جەدەلحاتتا.
سوڭىندا قازاقستان پرەزيدەنتى نۇرسۇلتان نازاربايەۆ شي جينپيڭگە زور دەنساۋلىق پەن اماندىق تىلەپ، دوستاس قىتاي حالقىنىڭ ءوسىپ-وركەندەي بەرۋىنە نيەتتەستىگىن ءبىلدىردى.
