پۋتين ادامزات ءۇشىن يادرولىق قارۋدان دا قاۋىپتى قاتەردى جايىپ سالدى
ول بۇل مالىمدەمەسىن جاستار مەن ستۋدەنتتەردىڭ بۇكىل الەمدىك فەستيۆالىندە جاسادى دەپ جازادى Islam.kz.
رەسەي پرەزيدەنتى گەندىك ينجەنەريانىڭ ادام جادىن وزگەرتۋگە قابىلەتتى فارماكولوگيا سالاسىنداعى تاڭعاجايىپ مۇمكىندىكتەر تۋرالى ءسوز قوزعادى.
«ادام ادامدى بەلگىلى ءبىر سيپات بويىنشا جاساي الاتىنىنا انىق كوز جەتكىزەمىز. بۇل دانىشپان ماتەماتيك، دانىشپان مۋزىكانت بولۋى مۇمكىن نەمەسە سوعىسقاندا ۇرەيگە بوي الدىرمايتىن، جانى اشۋدى بىلمەيتىن، جانى اۋىرمايتىن اسكەري ادام بولۋى مۇمكىن.
بىلەسىزدەر مە، ادامزات بالكىم، جاقىن ارادا ءوزىنىڭ ءومىر ءسۇرۋى مەن دامۋىنداعى وتە جاۋاپتى ءارى كۇردەلى كەزەڭدى باستان كەشىرىپ قالادى. مەنىڭ قازىرگى تىلگە تيەك ەتكەنىم يادرولىق بومبادان دا قاۋىپتى»، - دەدى ول.
وسىلاي دەي كەلە الدىڭعى قاتارلى جاڭا تەحنولوگيالاردى كەڭىنەن ەنگىزۋ قاجەتتىگىن ايتا كەلىپ، ول ادامزاتقا ارتىلار جاۋاپكەرشىلىكتى، سونىڭ ىشىندە، ادامگەرشىلىكتى، تەڭدىكتى، ادىلەتتىلىكتى ۇمىتپاۋ كەرەكتىگىن دە ەسكەرتتى. ايتپەسە، مۇنىڭ ارتى جاقسىلىققا اپارمايتىنىن دا قاداپ ايتتى.
