قازاقستان مەن وزبەكستان اراسىنداعى تاۋار اينالىمى جارتى ميلليارد دوللاردان استى
ال وزبەك كاسىپكەرلەرىنىڭ قازاقستاندا سالىق تولەۋ كورسەتكىشى بىلتىرعى جىلدىڭ وسى كەزەڭىمەن سالىستىرعاندا 2 ميلليارد تەڭگەگە ارتتى، دەپ حابارلايدى «قازاقپارات» ح ا ا ءتىلشىسى وڭتۇستىك قازاقستان وبلىسى مەملەكەتتىك كىرىستەر دەپارتامەنتىنىڭ ءبولىم باسشىسى اسقار يساحوۆقا سىلتەمە جاساپ.
«ەكى ەل اراسىنداعى تاۋار اينالىمىنىڭ ارتۋى اكىمشىلىك كەدەرگىلەردى تومەندەتۋسىز مۇمكىن ەمەس. قازاقستان مەن وزبەكستان ءبىرقاتار حالىقارالىق كونۆەنتسيالار قاتارىنا، سونىڭ ىشىندە شەكارالارداعى جۇكتەرگە باقىلاۋ جۇرگىزۋ شارتتارىن كەلىسۋ تۋرالى كونۆەنتسياعا قوسىلىپ ۇلگەردى»، - دەپ اتاپ ءوتتى يساحوۆ.
بۇدان وزگە، ەكى ەل كەدەنشىلەرى سىرتقىەكونوميكالىق قىزمەتكە قاتىسۋشىلاردىڭ شەكارادان ءوتۋىن جىلدامداتۋ تۋرالى ورتاق پىكىرگە كەلدى. ماسەلەن، قازىر وزبەكستانمەن شەكارادا بەس كەدەن بەكەتى تۇر، ولاردىڭ ءارقايسىسىنىڭ ءوز فۋنكتسيالارى بار.
