اقىن، حالىق جازۋشىسى مۇحتار شاحانوۆپەن و ق و اكىمى كەزدەستى
وسى داتالى مەرەكەگە وراي وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ اقىنمەن ارنايى كەزدەسىپ، مەرەيلى مەرەكەسىمەن قۇتتىقتادى، دەپ حابارلايدى و ق و اكىمىنىڭ باسپا ءسوز قىزمەتى.
كەزدەسۋ بارىسىندا ءوڭىر باسشىسى حالىق جازۋشىسىنىڭ قازاق ادەبيەتىنە قوسقان سۇبەلى ۇلەسىن ەرەكشە اتاپ ءوتتى.
«ءسىزدى وتكەن عاسىردان جاقسى تانيمىز. ءبىز ءسىزدىڭ ولەڭدەرىڭىزدى وقىپ وستىك. ءالى ەسىمدە 1986 -جىلى ماسكەۋدە وتكەن شىعارماشىلىق كەشىڭىزگە دە كۋا بولعان ەدىم. سول جىلدارى ماسكەۋدىڭ تورىندە جەكە كەش وتكىزۋىڭىزدىڭ ءوزى ۇلكەن ەرلىك ەدى. ودان كەيىنگى جىلدارى جەلتوقسان وقيعاسىنا بايلانىستى تالاي باستامالار كوتەرىپ، حالىقتىڭ ماسەلەسىن جەتكىزىپ ءجۇردىڭىز. بۇل ءسىزدىڭ تەك اقىندىعىڭىز عانا ەمەس، ادامي وتانسۇيگىشتىك قاسيەتىڭىزدىڭ ايقىن كورىنىسى. ءسىز وڭتۇستىكتىڭ ماقتانىشىسىز، ءبىز سىزبەن ماقتانامىز، قازاق ادەبيەتىنىڭ ابىزى رەتىندە ەلىمىزگە وراسان زور ەڭبەك ءسىڭىرىپ كەلەسىز»، - دەدى جانسەيىت قانسەيىت ۇلى.
جازۋشى شىعارمالارىنىڭ نەگىزگى تۇعىرناماسى - ادامدىق پەن ادالدىقتى، ادىلدىكتى، تازالىقتى اسقاقتاتۋ ارقىلى ەزدىكتى، ارامدىقتى، زۇلىمدىقتى ادامزات بالاسىنىڭ بولمىسىنا قارسىلىقتى قاسيەتتەر رەتىندە اشكەرەلەۋ بولىپ تابىلادى.
قازاق ادەبيەتى مەن ونەرىنىڭ دامۋىنا سۇبەلى ۇلەس قوسقان اقىننىڭ «ەۆەرەستكە شىعۋ»، «جالىن»، «دوستىق ولكەسىنىڭ زاڭى»، «وركەنيەتتىڭ اداسۋى»، «شىڭعىسحاننىڭ پەندەلىك قۇپياسى» اتتى شىعارمالارى ەلىمىزدىڭ تازا ۇلتتىق رۋحىنان تىنىس العان كۇردەلى تۋىندىلار رەتىندە الەم ادەبيەتىنىڭ قاتارىنا قوسىلدى.
ايتا كەتەيىك، 23- قازان كۇنى ەلباسىنىڭ «بولاشاققا باعدار: رۋحاني جاڭعىرۋ» ماقالاسى اياسىندا ج. شانين اتىنداعى وبلىستىق اكادەميالىق قازاق دراما تەاترىندا اقىننىڭ 75 جىلدىق مەرەيتويىنا وراي «الەم تانىعان اقىن» اتتى شىعارماشىلىق كەشى ۇيىمداستىرىلماق. تەاتردىڭ فوەسىنە مۇحتار شاحانوۆتىڭ 75 جىلدىق مەرەيتويىنا ارنالعان «الەم تانىعان اقىن» اتتى كورمە ورناتىلىپ، وعان اقىننىڭ كىتاپتارى مەن اقىن جايىنداعى زەرتتەۋلەر مەن ەستەلىك ماقالالارى قويىلادى.
