ۆلاديمير پۋتين قازاقستانمەن ارىپتەستىكتىڭ جوعارى دەڭگەيىن اتاپ ءوتتى
قۇتتىقتاۋ جەدەلحاتى كرەمل سايتىندا جاريالاندى، دەپ حابارلايدى تاسس.
«ارتتا قالعان شيرەك عاسىردا رەسەي مەن قازاقستاندى بايلانىستىراتىن دوستىق پەن ءوزارا قۇرمەتتىڭ يگى داستۇرلەرىنە نەگىزدەلگەن ەكىجاقتى قارىم- قاتىناستاردى ستراتەگيالىق سەرىكتەستىك پەن وداقتاستىقتىڭ جوعارى دەڭگەيىنە كوتەرە الدىق»، - دەلىنگەن قۇتتىقتاۋدا.
ر ف پرەزيدەنتى ەكى مەملەكەتتىڭ ساۋدا- ەكونوميكالىق، عىلىمي- تەحنيكالىق، مادەني، گۋمانيتارلىق جانە باسقا دا سالالارداعى ساياسي ديالوگى مەن جەمىستى ىنتىماقتاستىعىنىڭ قارقىنمەن دامىپ كەلە جاتقانىن تىلگە تيەك ەتتى.
«ەلدەرىمىزدىڭ ەۋرازيالىق ەكونوميكالىق وداق اياسىنداعى كۇش-جىگەرىن ۇيلەستىرۋ ايماقتىق تۇراقتىلىق پەن قاۋىپسىزدىكتى نىعايتۋعا قىزمەت ەتەدى»، - دەدى رەسەي پرەزيدەنتى. پۋتين ەكى ەلدىڭ حالىقارالىق ماسەلەلەردى شەشۋدەگى كونسترۋكتيۆتىك ىقپالداستىعىنىڭ ودان ءارى دامۋىنا سەنىم ءبىلدىرىپ، نۇرسۇلتان نازاربايەۆقا دەنساۋلىق پەن تابىستار تىلەدى.
