تارازدىق دانىشپان بالا نازاربايەۆ ۋنيۆەرسيتەتى ءۇشىن كەمبريدجدەن باس تارتتى

استانا. قازاقپارات - بريتان فيزيگى، تەورەتيك ستيۆەن حوكينگ يسااك مۋستوپۋلوعا كەمبريدجدە ءبىلىم الۋدى ۇسىنعان.

بۇل تۋرالى Sputnik باسىلىمى حابارلايدى.

تارازدىق وقۋشى يسااك مۋستوپۋلو كەمبريدجەن شاقىرۋ العان، الايدا ونى قابىلداۋعا اسىعىستىق تانىتىپ وتىرعان جوق.

ق ر ءبىلىم جانە عىلىم ءمينيسترى ەرلان ساعاديەۆپەن كەزدەسۋدە يسااك نازاربايەۆ ۋنيۆەرسيتەتىنە تۇسكىسى كەلەتىنىن ايتقان.

«سەنبەۋىڭىز مۇمكىن، حوكينگ مىرزا مەنى كەمبريدج ۋنيۆەرسيتەتىنىڭ باكالاۆريات نەمەسە ماگيستراتۋراسىنا تۇسۋگە شاقىردى. ءبىراق مەن ءوز مەملەكەتىمدە باكالاۆرياتقا تۇسكىم كەلەدى. مەنىڭ ارمانىم - ەلىمىزدەگى ەڭ ۇزدىك جوعارى وقۋ ورنى نازاربايەۆ ۋنيۆەرسيتەتىنىڭ ستۋدەنتى اتانۋ. ال ماگيستراتۋرانى كەمبريدجدە جالعاستىرۋىم مۇمكىن»، - دەگەن مۋستوپۋلونىڭ ءسوزى ق ر ب ع م باسپا ءسوز قىزمەتىندە كەلتىرىلدى.

بالالار تسەرەبرالدى سال اۋرۋىنان زارداپ شەگەتىن تارازدىق جاس دانىشپان ءوزىنىڭ كۋميرى ستيۆەن حوكينگپەن قازان ايىنىڭ باسىندا كەزدەسكەن. ۇلى بريتانياعا بارعان ساپارىندا يسااك لوندونداعى عىلىم مۋزەيى، كەمبريدج ۋنيۆەرسيتەتى مەن بريتان كەڭەسىنىڭ شتاب- پاتەرىندە بولعان.

9-سىنىپتا وقيتىن يسااك مۋستوپۋلو عارىشناما بويىنشا شەبەرلىك سىنىبىن وتكىزەدى. جاس عالىم عارىش اپپاراتتارىنا ارنالعان ەلەكتر قۋاتىن ءوندىرۋ پروتسەسى تۋرالى وزىندىك «ۇيلەسىم تەورياسىن»، سونىمەن قاتار مۇگەدەك بالالارعا ارنالعان ينكليۋزيۆتى ءبىلىم بەرۋ جۇيەسىن ويلاپ تاپقان.

«ءبىز قازاقستاندا ينكليۋزيۆتى ءبىلىم بەرۋدى دامىتۋ ءۇشىن كوپ كۇش جۇمسايمىز. يسااك، سەن سياقتى دارىندى وقۋشىلار ەشەتەڭەدەن شەكتەلمەۋى كەرەك. جالپى قازاقستاندىق وقۋشىلاردىڭ ساپالى ءبىلىم الۋ مۇمكىندىگى بىردەي بولۋى ءتيىس»، -  دەيدى يسااكپەن وتكەن كەزدەسۋدە ەرلان ساعادييەۆ.

ال يسااك مۋستوپۋلو ءوزىن دانىشپان ەمەس، قاراپايىم وقۋشى دەپ سانايدى.