قازاقستاندا ستۋدەنتتەرگە ارنالعان «ۇلى دالا جاستارى» جوباسى ىسكە قوسىلدى

الماتى. قازاقپارات - قازاقستاندا «رۋحاني جاڭعىرۋ» باعدارلاماسى اياسىندا جوعارى وقۋ ورىندارىندا «ۇلى دالا جاستارى» جوباسى ىسكە قوسىلدى.

ونى «رۋحاني جاڭعىرۋ» باعدارلاماسى باسقارۋ وفيسىنىڭ مەنەدجەرى بولات اتىباي قاز ۇ ت ۋ ۋنيۆەرسيتەتىندە وتكەن دوڭگەلەك ۇستەل ماجىلىسىندە تانىستىردى، دەپ حابارلايدى قازاقپارات ءتىلشىسى.

«تاربيە جانە ءبىلىم باعدارلاماسى» ءۇش باعىتتان تۇرادى. سول ءۇش باعىتتىڭ بىرەۋى - سانالى ازامات. «سانالى ازامات» باعىتىنىڭ شەڭبەرىندە «ۇلى دالا جاستارى» جوباسى ازىرلەندى. رۋحاني جاڭعىرۋ باعدارلاماسى اياسىندا جاسالىپ جاتقان جۇمىستاردان جوعارى وقۋ ورىندارى شەت قالعان بولاتىن. سول جوو- لاردى رۋحاني جاڭعىرۋ باعدارلاماسىنا قوسۋ ءۇشىن وسى جوبا جاسالدى. وسى جوبادان باسقا 21 جوبا بەكىتىلىپ بارلىق وڭىرلەرگە جولداندى. جوبانىڭ ماقساتى - ەلىمىز العا قويعان مىندەتتەردى جاستاردىڭ بويىنا ءسىڭىرۋ»، - دەدى بولات اتىباي.

الماتى قالاسى بويىنشا «رۋحاني جاڭعىرۋ» وفيسىنىڭ باس مەندجەرى لاۋرا ىرگەبايەۆا «ۇلى دالا جاستارى» جوباسىنىڭ يدەياسىن ءبىلىم جانە عىلىم مينيسترلىگى ۇسىنىپ وتىرعانىن ايتتى.

«نەگىزى باستاماشى - ق ر ءبىلىم جانە عىلىم مينيسترلىگى. «ۇلى دالا جاستارى» جوباسى قازان ايىنان باستالدى. جوبا جاستاردىڭ بەلسەندىلىگىن ارتتىرۋعا، ياعني، عىلىم، بيزنەسپەن اينالىسۋىنا جاعداي جاساۋ. وقۋ ورنىن بىتىرگەن جاستاردىڭ جۇمىسپەن قامتىلۋ دەڭگەيى تومەن. نە ءۇشىن تومەن؟ وسى ماسەلەنىڭ بارلىعى قامتىلاتىن بولادى»، - دەدى لاۋرا ىرگەبايەۆا.

جيىندا ج و و ۇستازدارىنا جوبا بويىنشا ءوز وقۋ ورىندارىنا ىڭعايلى بولاتىن ۇسىنىس جاساپ، جۇمىس باعدارلاماسىن ازىرلەۋ تاپسىرىلدى.