17:12, 21 - قازان 2017 | GMT +6
قازاقستاننىڭ حالىقارالىق باستامالارى ءۇندىستاننىڭ قولداۋىنا يە بولدى - فوتو
بەيجىڭ- دەلي. قازاقپارات - ءۇندىستانداعى مۇسىلمان ستۋدەنتتەرى ۇيىمىنىڭ ۇلتتىق دەلەگاتتارى كونفەرەنتسياسى اياسىندا ءۇندىستان رەسپۋبليكاسىنداعى قازاقستان رەسپۋبليكاسىنىڭ ەلشىلىگىمەن ارنايى سەسسيا ۇيىمداستىرىلدى، دەپ حابارلايدى «قازاقپارات» ح ا ا قىتايداعى مەنشىكتى ءتىلشىسى.
«قازاقستان: الەم ءۇيى» دەپ اتالاتىن سەسسيا جۇمىسىندا ءۇندىستانداعى قازاقستان ەلشىلىگىنىڭ وكىلدەرى، سونىمەن قاتار جۇزدەن استام ءۇندىستاندىق مۇسىلمان ستۋدەنتتەرى ۇيىمىنىڭ مۇشەلەرى، وقىتۋشىلار، ساراپشىلار، عىلىمي ورتا وكىلدەرى مەن ستۋدەنتتەر قاتىستى.
سەسسيا قاتىسۋشىلارى كورسەتىلگەن تاقىرىپتار بويىنشا پىكىرتالاستارعا بەلسەنە قاتىسىپ، ءۇندىستاننىڭ قوعامدىق جانە ساراپشىلار ورتاسى قازاقستاننىڭ حالىقارالىق باستامالارىن قولدايتىندىعىن ءبىلدىردى.
ايتا كەتەيىك، ءۇندىستاننىڭ مۇسىلمان ستۋدەنتتەرى ۇيىمى ەلدەگى ءبىر ميلليوننان استام ادامنىڭ باسىن بىرىكتىرگەن ەڭ ءىرى ءارى ىقپالدى جاستار بەرلەستىكتەرىنىڭ ءبىرى.
ءۇندىستاننىڭ 22 شتاتىندا مۇسىلمان ستۋدەنتتەرى ۇيىمىنىڭ 560 وكىلدىگى جۇمىس ىستەيدى.
