16:11, 19 - قازان 2017 | GMT +6
الماتى زووباعىندا قۇلاعان اعاش تاۋەشكىنى باسىپ قالدى
الماتى. قازاقپارات - الماتى زووباعىندا توتەنشە جاعداي بولدى، دەپ حابارلايدى قازاقپارات ءتىلشىسى.
كەشەگى داۋىلدان قۋراعان اعاش قۇلاپ، اعاش ءدىڭى تاۋەشكىنى باسىپ قالعان. جانۋار سول جەردە ءولدى.
بۇل تۋرالى فەيسبۋكتە الماتى زووباعىنىڭ ديرەكتورى ەرجان ەركىنبايەۆ جازدى.
«كەشە سۇراپىل داۋىلدان زووباقتاعى ەسكى بورەنەلەر مەن اعاشتار قۇلادى. تابيعاتتىڭ توسىن مىنەزىنەن بۇل جولى مىنا كەرەمەت جانۋار ءولىپ قالدى. قالالىق تابيعاتتى پايدالانۋ باسقارماسى مەن اۋدان اكىمدىگىنەن @akimat_medeu شۇعىل تۇردە قۋراعان اعاشتاردى كەسۋ ءۇشىن ارنايى تەحنيكا سۇراتىپ جاتىرمىز. بۇل اعاشتار جانۋارلار ءۇشىن عانا ەمەس، كەلۋشىلەر ءۇشىن دە قاۋىپتى بولىپ وتىر»، - دەدى ەرجان ەركىنبايەۆ.
اۆتور: گۇلميرا عوسمانالي
