قازاقستان پرەزيدەنتى جايىنداعى كىتاپ ازەربايجان تىلىنە اۋدارىلدى
بۇل جايىندا اۋدارما اۆتورى، ازەربايجاندىق جۋرناليست ايدا ەيۆازوۆا ايتتى، دەپ حابارلايدى قازاقپارات.
«پروفەسسور ماحمۇد قاسىمبەكوۆتىڭ بۇل كىتابىن ينتەرنەتتەن كورىپ قالعان ەدىم. سودان كىتاپتى 6 اي بويى اۋدارىپ، ەڭبەكتەندىم. كىتاپ 500 دانا تارالىممەن جارىققا شىقتى. ول ساتىلمايدى، ءبىزدىڭ ەلشىلىككە جانە وكىلدىككە بەرىلەتىن بولادى»، - دەدى ول.
كىتاپ حالىقارالىق تۇركى اكادەمياسىنىڭ قولداۋىمەن باسىپ شىعارىلعان.
«2005-جىلى قازاقستاندا پرەزيدەنت سايلاۋىنا قاتىستىم. سول كەزدە نۇرسۇلتان ابىش ۇلىمەن سۇحباتتاسىپ، ازەربايجان حالقىنا قانشالىقتى جىلى نيەتپەن قارايتىندىعىن كوردىم. ازەربايجان حالقى ونى وتە جاقسى كورەدى»، - دەدى ەيۆازوۆا.
ونىڭ ايتۋىنشا، اعىمداعى جىلدىڭ 2- ساۋىرىندە قازاقستان پرەزيدەنتى نۇرسۇلتان نازاربايەۆتىڭ باكۋگە ساپارى ازەربايجان حالقى ءۇشىن ناعىز مەرەكەگە اينالدى.
«ومىردەن وزعان گەيدار اليەۆپەن وتە جاقىن دوس بولدى. سوندىقتان بولار، نازاربايەۆ ءبىزدىڭ پرەزيدەنتىمىز يلحان اليەۆكە اكەسىندەي قارايدى. بۇل تەك قانا ساياسي دوستىق ەمەس، بۇل ەكى ۇلكەن تۇلعانىڭ شىنايى دوستىعى بولاتىن. سول سەبەپتى يلحام اليەۆ تە بۇل قارىم-قاتىناستاردى جوعارى باعالايدى»، - دەدى ازەربايجاندىق جۋرناليست.
اۆتور: مارلان جيەمباي
