ساعىنتايەۆ قىرعىزستان دەلەگاتسياسىمەن كەلىسسوزدەردەن سوڭ مالىمدەمە جاسادى - كەسكىن
بۇل تۋرالى primeminister.kz حابارلادى.
«قازىر عانا پرەمەر- مينيستر ساپار يساكوۆ باستاعان قىرعىزستاننىڭ رەسمي دەلەگاتسياسىنىڭ وكىلدەرىمەن كەلىسسوزدەر اياقتالدى. بۇل قۇرامىندا 30 ادامى بار ايتارلىقتاي ۇلكەن دەلەگاتسيا بولاتىن. ءوز كەزەگىندە دەلەگاتسيا وكىلدەرىنىڭ اۋقىمدىلىعى كەڭ كولەمدەگى ەكونوميكالىق ماسەلەلەر بويىنشا، جان-جاقتى اڭگىمە جۇرگىزۋگە مۇمكىندىك بەردى. بۇل كەزدەسۋ جۋىردا عانا قىرعىز تاراپىنىڭ باستاماسىمەن تەلەفون ارقىلى بولعان اڭگىمەدەن سوڭ ۇيىمداستىرىلدى»، - دەلىنگەن ۇكىمەتتىڭ رەسمي سايتى تاراتقان مالىمدەمە ماتىنىندە.
«بىرىنشىدەن ءبىز ەكىجاقتى ەكونوميكالىق قاتىناستاردىڭ پروبلەمالىق ماسەلەلەرىن تالقىلادىق. ولار ءبىزدىڭ ەلدەرىمىزدىڭ شەكارا، كولىك، فيتوسانيتارلىق جانە ۆەتەرينارلىق باقىلاۋ ماسەلەلەرى بويىنشا ءوزارا ىقپالداستىق ماسەلەلەرىن قامتيدى. سونىمەن قاتار، ەاەو پەن دسۇ- نىڭ سايكەس نورمالارى مەن ەرەجەلەرى نەگىزىندەگى كەدەندىك جانە سالىقتىق اكىمشىلەندىرۋگە قاتىستى پروبلەمالىق ماسەلەلەر تالقىلاندى. مىسالى ءبىزدىڭ كەدەن ورگاندارىمىز قىرعىزستاندىق يمپورت تاسىمالداۋشىلاردىڭ قىتايدان قازاقستان شەكاراسى ارقىلى تاۋار تاسىمالداعان كەزدەرىندە دەكلاراتسيالاۋ شارالارىن تالاپقا ساي وتكىزبەۋ ارەكەتتەرىن انىقتايدى. ونىڭ سالدارىنان قازاقستان ەكونوميكاسى زارداپ شەگەدى.
قىرعىز تاراپى الدىعا قويىلعان ماسەلەلەرمەن كەلىستى. پرەمەر- مينيستر ساپار يساكوۆ قىرعىزستان تاراپىنان ءوز مىندەتتەمەلەرى مەن ەۋرازيالىق ەكونوميكالىق وداقتىڭ ەكونوميكالىق مۇددەلەرىن ورىنداۋ باعىتىنداعى پروبلەمالاردى شەشۋدە ءتيىمدى شارالاردىڭ قولدانىلاتىنىنا كەپىلدىك بەردى.
ەكىنشىدەن. ءبىزدىڭ كەلىسسوزدەرىمىزدىڭ ناتيجەسىندە قازاقستان مەن قىرعىزستان ۇكىمەتتەرىنىڭ ءبىرىنشى ورىنباسارلارىنىڭ توراعالىعىمەن جۇمىس توبىن قۇرۋ جونىندە شەشىم قابىلداندى. جۇمىس توبى 5 كۇن ىشىندە بىرلەسكەن جول كارتاسىن ازىرلەۋ كەرەك بولادى.
جول كارتاسى ازىرلەنگەن سوڭ تاراپتار كەلىسىلگەن ماسەلەلەردىڭ جۇزەگە اسىرىلۋىن تولىقتاي قامتاماسىز ەتۋلەرى كەرەك بولادى.
ءبىز سونىمەن قاتار 2017 -جىلدىڭ 19 -قازانى كۇنى ساعات 00-00-دەن باستاپ، ەكى ەلدىڭ شەكارالارىنان وتۋدە باسىم باعىتتاردىڭ ءتارتىبى قامتاماسىز ەتىلەتىندىگى جونىندە كەلىستىك. بۇل تالاپتار نەگىزىنەن: قوردايدا جۇگى بار جەكە تۇلعالار، تۇراقتى جولاۋشىلار تاسىمالدايتىن اۆتوكولىك قۇرالدارى، جەڭىل كولىك، جۇك كولىكتەرى ءۇشىن قولدانىلادى».
