قىرعىزستان ۇكىمەتىنىڭ رەسمي دەلەگاتسياسىمەن كەلىسسوزدەر اياقتالدى - فوتو
اتالمىش كەزدەسۋ جۋىردا عانا تەلەفونمەن بولعان اڭگىمەدەن سوڭ قىرعىزستاندىقتاردىڭ باستاماسىمەن ۇيىمداستىرىلعان ەدى، دەپ حابارلادى primeminister.kz.
قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ پەن قىرعىز رەسپۋبليكاسىنىڭ پرەمەر- ءمينيسترى ساپار يساكوۆتىڭ كەڭەيتىلگەن جانە شاعىن فورماتتاعى كەزدەسۋى ءوتتى. كەزدەسۋلەر بارىسىندا ە ا ە و پەن د س ۇ نورمالارى مەن تارتىپتەرىنە سايكەس، شەكارا، كولىك، فيتوسانيتارلىق جانە ۆەتەرينارلىق باقىلاۋ، كەدەندىك جانە سالىقتىق اكىمشىلەندىرۋ ماسەلەلەرى قارالدى.
ق ر پرەمەر- ءمينيسترى باقىتجان ساعىنتايەۆ ەكى باۋىرلاس مەملەكەتتەردىڭ قارىم- قاتىناستارى ەلباسى نۇرسۇلتان نازاربايەۆتىڭ ايتقانىنداي، بارلىق باعىتتار بويىنشا وڭتايلى جانە وڭىردەگى ءوزارا ءتيىمدى ىنتىماقتاستىقتىڭ ۇلگىسى بولۋى كەرەك كەرەكتىگىن جەتكىزدى.
ءوز كەزەگىندە قىرعىزستاننىڭ پرەمەر- ءمينيسترى سااپار يساكوۆ قىرعىزستان تاراپىنان ۇلكەن دەلەگاتسيا كەلگەندىگىن اتاپ ءوتتى.
«مەن قىرعىزستاننىڭ پرەمەر- ءمينيسترى رەتىندە ءبىزدىڭ ورتاق جۇمىسىمىزدىڭ ناتيجەلى بولعانىن قالايمىن»، - دەدى س. يساكوۆ.
كەلىسسوزدەر قورىتىندىسى بويىنشا، تاراپتار 19 -قازان كۇنى ساعات 00-00-دە قازاق- قىرعىز شەكاراسىننان جۇكتەرى بار جەكە تۇلعالار مەن تۇراقتى جۇرەتىن رەيستىك اۆتوبۋستاردىڭ، جەڭىل كولىكتەردىڭ، جۇك كولىكتەرىنىڭ ءوتۋىنىڭ باسىم باعىتتارىنىڭ ءتارتىبىن قامتاماسىز ەتۋ جونىندە كەلىسىمگە كەلدى.
بۇعان قوسا، قازاقستان مەن قىرعىزستاننىڭ پرەمەر- مينيسترلەرىنىڭ ءبىرىنشى ورىنباسارلارىنىڭ توراعالىعىمەن ەكىجاقتى ەكونوميكالىق قارىم- قاتىناستاردىڭ وزەكتى ماسەلەلەرى بويىنشا بىرلەسكەن «جول كارتاسىن» جاساۋ ماقساتىندا جۇمىس توبىن قۇرۋ جونىندە شەشىم قابىلداندى.
