شىمكەنتتە سەمىزدىككە شالدىققان جاندارعا العاش رەت وپەراتسيا جاسالدى
شەتەلدىك مامانداردىڭ ايتۋىنشا، ناۋقاس وپەراتسيادان كەيىن ايىنا 10 كەلىگە دەيىنگى سالماعىنان ارىلادى ەكەن. جالپى سەمىزدىك دەرتى الەمدە كوبىرەك كەزدەسەدى. سوڭعى جىلدارى قازاقستاندا دا تىركەلە باستاعان. وڭتۇستىك حالقىنىڭ 20 پايىزى وسى دەرتكە شالدىققان. كورەيالىق دارىگەرلەر سەمىزدىككە قارسى وپەراتسيانى العاشقىلاردىڭ ءبىرى بولىپ جاساعان ەكەن.
«سوندىقتان ولاردان ۇيرەنەرىمىز كوپ»، - دەيدى ماماندار.
جالپى ەكىجاقتى كەلىسىم اياسىندا جەرگىلىكتى دارىگەرلەر ءوز كۇشتەرىمەن باۋىر مەن بۇيرەك الماستىرىپ، جۇرەككە وپەراتسيا جاساپ جاتىر.
مۇقان ەگىزبايەۆ، وبلىستىق دەنساۋلىق ساقتاۋ باسقارماسىنىڭ باسشىسى:
- سەمىزدىككە شالدىققانداردىڭ سانى قازىرگى تاڭدا ءبىزدىڭ وڭىردە وتە كوپ. بۇل اۋرۋدى ەمدەۋدىڭ بىردەن- ءبىر جولى اسقازان جولدارىنا كۇردەلى وتا جاساپ، اسقازان اۋقىمىن ازايتادى. سوندا عانا وسى حالگە جەتكەن ادامدار تاماقتى از جەۋدىڭ ارقاسىندا دەنساۋلىعى دۇرىستالىپ كەتەدى.
يونگدجين كيم، حيرۋرگ: /وڭتۇستىك كورەيا/
- جالپى سەمىزدىك پەن ارتىق سالماق قوسۋ - قازىرگى تاڭدا الەمدەگى ەڭ كۇردەلى ماسەلەلەردىڭ ءبىرى. سوندىقتان وسىنداي وپەراتسيانىڭ ارقاسىندا ودان ارىلۋعا بولادى. امەريكا مەن ەۋروپا ەلدەرىندە بۇل دەرت بەلەڭ العان. ءبىز قازاقستاندىق ارىپتەستەرىمىزگە 10 جىلدان بەرى قولدانىپ كەلە جاتقان تابىستى مەديتسينالىق ادىستەمەمىزبەن ءبولىسىپ جاتىرمىز.
www.24.kz
