قازاقستانداعى كونە ەسكەرتكىشتەردى شەتەلدىك عالىمدار زەرتتەۋدە- فوتو
دەپ حابارلايدى مۋزەيدىڭ باسپا ءسوز قىزمەتى.
دوڭگەلەك ۇستەل جۇمىسىنا نارا عىلىمي- زەرتتەۋ ينستيتۋتىنىڭ پروفەسسورى ساداكاتسۋ كۋنيتاكە (جاپونيا) جانە تانىمال عالىمدار مەن ماماندار، قوعام قايراتكەرلەرى، گەرمانيا، رەسەي، جاپونيا ەلشىلىكتەرىنىڭ جانە قازاقستان رەسپۋبليكاسى مادەنيەت جانە سپورت مينيسترلىگىنىڭ وكىلدەرى قاتىستى.
شارا بارىسىندا بەس جىلدىق « PALEO SILK ROAD» باعدارلاماسى اياسىنداعى ق ر ۇلتتىق مۋزەيى مەن تيۋبينگەن ۋنيۆەرسيتەتىنىڭ (گەرمانيا) حالىقارالىق بىرلەسكەن ەكسپەديتسياسىنىڭ ءبىرىنشى جىلعى جۇمىسى قورىتىندىلاندى.
«بۇگىنگى ءوتىپ جاتقان شارانىڭ ماڭىزى زور. ەلباسىمىزدىڭ « رۋحاني جاڭعىرۋ» باعدارلاماسى اياسىندا ۇلتتىق قۇندىلىقتارىمىزبەن قاتار، مادەنيەتىمىز، تاريحىمىزدى دامىتۋ،قازىرگى قوعامعا قاجەتتى باعالى مۇرالاردى قايتا جاڭعىرتۋ جۇيەلى تۇردە قولعا الىنىپ جاتقانى بەلگىلى. بۇگىن ۇلتتىق مۋزەيدە كوپشىلىك نازارىنا ۇسىنىلىپ وتىرعان وزگە مەملەكەتتەر مەن قازاقستان عالىمدارىنىڭ بىرگە جاساعان ەكسپەديتسيا جۇمىستارى - اتالعان باعدارلامانىڭ جوعارى ناتيجەسى. ەكسپەديتسيا مامىر ايىندا باستالعان. ونىڭ ناتيجەسى عىلىم سالاسىنداعى تىڭ جاڭالىقتار بولماق»، - دەدى ق ر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ.
ستراتيفيكاتسيالانعان پالەوليت ەسكەرتكىشتەرىن ىزدەۋ بويىنشا جۇرگىزىلگەن مايبۇلاق كەيىنگى پالەوليت تۇراعى جانە شىعىس قازاقستان وڭىرىندەگى قازبا جۇمىستارىنا قازاقستان رەسرۋبليكاسى ۇلتتىق مۋزەيىنىڭ عالىمدارى، گەرمانيا، ۇلى بريتانيا، ا ق ش، كانادا، ءۇندىستان، چەحيانىڭ عىلىمي مەكەمەلەرىنىڭ وكىلدەرى قاتىستى.
