قازاقستان قىرعىزستانعا يمپورتتىڭ كۇرت ارتۋىنا تالداۋ جۇرگىزدى

استانا. قازاقپارات - قازاقستان قىرعىزستانعا يمپورتتىڭ كۇرت ارتۋىنا تالداۋ جۇرگىزدى.

بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ر ق م مەملەكەتتىك كىرىستەر كوميتەتىنىڭ ءتوراعاسى ارداق تەڭگەبايەۆ ايتتى، دەپ حابارلايدى قازاقپارات.

«2016- جىلعى كەدەندىك دەرەكتەرگە سايكەس، ق ح ر- دان قىرعىزستانعا تاۋارلاردىڭ يمپورتى 2016-جىلمەن سالىستىرعاندا 42 پايىزعا ارتىپ، 1,5 ميلليارد ا ق ش دوللارىن قۇرادى. بۇل رەتتە قازاقستان اۋماعى ارقىلى قىرعىزستانعا وتكىزىلەتىن تاۋارلاردىڭ ءترانزيتى 67 پايىزعا كوبەيدى. ءبىز قىرعىزستانعا يمپورتتىڭ وسىنداي كۇرت ارتۋىنا تالداۋ جۇرگىزدىك»، - دەدى ول.

كوميتەت باسشىسىنىڭ اتاپ وتۋىنشە، تالداۋ ناتيجەسىندە قىرعىزستانداعى كەدەندىك قۇن قازاقستانمەن سالىستىرعاندا 2 جانە ودان دا كوپ ەسەگە ەلەۋلى تومەندەگەنى انىقتالعان.

«تاۋارلاردىڭ قۇنىن تومەندەتۋ مىڭ پايىزدى قۇرايتىن جەكەلەگەن جاعدايلار دا بار. مىسالعا ەر ادامنىڭ ءبىر جەيدەسىنىڭ كەدەندىك قۇنى قازاقستان رەسپۋبليكاسىندا ءبىر داناسى ءۇشىن 5,45 ا ق ش دوللارىن قۇرايدى. ال ءدال سول جەيدە قىرعىز رەسپۋبليكاسىنىڭ كولەمىندە 0,44 ا ق ش دوللارىنا تەڭ. تاعى ءبىر ايتىپ كەتەتىن جاعداي، ايەلدەر ەتىگىنىڭ ءبىر داناسى قازاقستاندا 28,85 ا ق ش دوللارىن، قىرعىزستاندا ءدال وسى ەتىك 2,74 ا ق ش دولاررىن قۇرايدى»، - دەدى تەڭگەبايەۆ.

اۆتور: مارلان جيەمباي