ىشكى نارىقتى بەنزين جانە كومىرمەن قامتاماسىز ەتۋ ەلباسىنىڭ ءجىتى باقىلاۋىندا - ساعىنتايەۆ

استانا. قازاقپارات - ىشكى نارىقتى بەنزين جانە كومىرمەن قامتاماسىز ەتۋ مەملەكەت باسشىسىنىڭ ءجىتى باقىلاۋىندا.

بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا ق ر پرەمەر- ءمينيسترى باقىتجان ساعىنتايەۆ ايتتى، دەپ حابارلايدى قازاقپارات.

 «ىشكى نارىقتى مۇناي ونىمدەرىمەن جانە كومىرمەن قامتاماسىز ەتۋ ماسەلەسىن مەملەكەت باسشىسى ءوزىنىڭ ءجىتى باقىلاۋىندا ۇستاپ وتىر. كەشە پرەزيدەنت قانات الدابەرگەن ۇلىن (ق ر ەنەرگەتيكا ءمينيسترى بوزىمبايەۆ) اقوردادا قابىلداعان كەزدە دە جاۋاپكەرشىلىكتى ەسكەرتىپ، بىزگە تاپشىلىققا جول بەرمەۋ جونىندە ءتيىستى شارالاردى قابىلداۋعا تاپسىرما بەردى. وسىعان بايلانىستى قانات الدابەرگەن ۇلى، كومىر جانە مۇناي ونىمدەرىمەن قامتاماسىز ەتۋ ماسەلەسىنە قاتىستى جۇمىستى اكىمدىكتەرمەن بىرىگىپ جۇرگىزىڭىز»، - دەدى باقىتجان ساعىنتايەۆ.

 اۆتور: مارلان جيەمباي