18:56, 16 - قازان 2017 | GMT +5
بالالى بولعان اكەلەرگە دەمالىس بەرىلۋى مۇمكىن
استانا. قازاقپارات - بەلارۋس ەڭبەك جانە الەۋمەتتىك قورعاۋ مينيسترلىگى ەڭبەك كودەكسىندەگى اكەلەر دەمالىسىنا قاتىستى ۇسىنىستى ءتۇسىندىرىپ بەردى، دەپ حابارلايدى بەلتا.
ۆەدومستۆوارالىق جۇمىس توبى بالا تۋعان كەزدە اكەلەرگە قىسقا مەرزىمدى دەمالىس بەرۋگە قاتىستى ەڭبەك كودەكسىنىڭ جوباسىنا ۇسىنىستار ەنگىزدى. ۇسىنىسقا سايكەس، بالا تۋعاننان كەيىنگى العاشقى جارتى جىلدا 14 كۇنگە دەيىن ەر ادامدارعا دەمالىس الۋعا رۇقسات ەتىلمەك. باسقا دا وتباسىلىق جاعدايعا بايلانىستى بەرىلەتىن الەۋمەتتىك دەمالىستار سياقتى اتالعان دەمالىس ءتۇرى جالاقىنى ساقتاماعان كۇيدە بەرىلەدى.
قازىرگى ۋاقىتتا ءۇش جاسقا تولماعان بالاعا كۇتىم جاساۋ ءۇشىن دەمالىس تەك قانا اناسىنا (وگەي اناسى) عانا ەمەس، سونىمەن بىرگە وتباسىنىڭ شەشىمى بويىنشا اكەسىنە (وگەي اكەسى)، باسقا دا تۋىستارىنا، بالانىڭ وتباسى مۇشەلەرىنە (ەڭبەك كودەكسىنىڭ 185-بابى) بەرىلەدى.
