قىتايعا ەكسپورتالاتىن گازدان قازاقستان قانشا پايدا تابادى
بۇل تۋرالى بۇگىن قازاقستاندىق گازدى «بەينەۋ- بوزوي- شىمكەنت» ماگيسترالدى گاز قۇبىرىنان «ورتالىق ازيا - قىتاي» ترانسۇلتتىق گاز قۇبىرىنا جىبەرۋ سالتاناتتى راسىمىندە ق ر ەنەرگەتيكا ءمينيسترى قانات بوزىمبايەۆ ايتتى، دەپ حابارلايدى قازاقپارات.
«قازاقستان مەن قىتاي تاراپى بەكىتكەن كەلىسىمشارت نەگىزىندە 1 -جىلدىڭ ىشىندە قىتايعا قاراي 5 ميلليارد تەكشە مەتر گاز ەكسپورتتالاتىن بولادى. جالپى، بيىل ەلىمىزدە 40 ميلليارد تەشكە مەتردەن استام گاز وندىرىلەتىن بولادى. ونىڭ 16 ميللياردى ەكسپورتقا شىعارىلسا، ىشكى نارىقتا 13-14 ميللياردى پايدالانىلادى. ال قالعان گازدىڭ كولەمى ۇڭعىمالارعا قايتا ايدالادى. ەڭ باستىسى بۇگىن تاريحي ماڭىزى بار وقيعا ورىن الىپ وتىر»، - دەدى مينيستر.
ونىڭ پايىمىنشا، قازاقستان كوگىلدىر وتىندى بۇعان دەيىن رەسەي ارقىلى تەك ەۋروپاعا ەكسپورتتاپ كەلسە، ەندى تىكەلەي قىتاي نارىعىنا شىعۋ ارقىلى گاز نارىعى سالاسىندا ءوزىنىڭ ەركىندىگىن الىپ وتىر.
«قىتايعا ەكسپورتتالاتىن گازدىڭ باعاسى كوممەرتسيالىق قۇپيا. ونى ايتا المايمىن. ءبىراق، باعاسى دۇرىس دەپ ەسەپتەيمىن. ال بۇل ەكسپورتتىڭ ىشكى نارىقتاعى گازدىڭ باعاسىنا ەش قاتىسى جوق. جالپى ايتقاندا گاز وندىرەتىن كومپانيالار جانە «قازترانسگازعا» قاتىسى بار كومپانيالار، ماسەلەن قىتايمەن بىرلەسكەن كاسىپورىندار بۇل كەلىسىمشارتتىڭ نەگىزىندە 900 ميلليون دوللاردان استام پايدا الادى»، - دەدى قانات بوزىمبايەۆ.
