قارتايعان شاقتا ءبىزدى وكىندىرەتىن شەشىمدەر

استانا. قازاقپارات - ەرتە مە، كەش پە ول كەلەدى. كارىلىك. ودان قاشىپ قۇتىلۋ مۇمكىن ەمەس. ونى جوققا شىعارا المايسىز.

ەسەسىنە ءدال قازىر قارتايعان شاعىڭىزدا وكىنبەيتىندەي ارەكەتتەر جاساي الاسىز. ولاي بولسا، قارتايعان شاعىمىزدا ءبىز قانداي ارەكەتتەرىمىز ءۇشىن وكىنۋىمىز مۇمكىن؟

بۇل تۋرالى transurfing-real.ru باسىلىمى جازدى.

- بىتپەيتىن تەلەحيكايالار مەن رەاليتي- شوۋلار، باعدارلامالار كورىپ وتىرعانىمىز ءۇشىن؛

- ءبىرىنشى ورىنعا شىنايى ءومىردى ەمەس، الەۋمەتتىك جەلىدەگى ءومىردى قويعانىمىز ءۇشىن؛

- سالاۋاتتى ءومىر سالتىن ساقتاماي، جالقاۋلىققا بوي الدىرعانىمىز ءۇشىن؛

- ۇنەمى ءبىر جەرگە اسىعامىز دەپ تابيعاتتىڭ سۇلۋ كورىنىسىنەن قۇر قالعانىمىز ءۇشىن؛

- ءومىردى تەرەڭىرەك زەرتتەۋگە تىرىسپاعانىمىز ءۇشىن؛

- كۇننىڭ اتىپ، كەشكە باتۋىن ءوز كوزىمىزبەن كورمەگەنىمىز ءۇشىن؛

- قوعامنىڭ پىكىرىنە تاۋەلدى بولعانىمىز ءۇشىن؛

- ەرتە ەسەيىپ، بالا بولۋ مۇمكىندىگىنەن ايىرىلعانىمىز ءۇشىن؛

- دوستارىمىزدى دۇرىستاپ باعالاماعانىمىز ءۇشىن؛

- كوپكە دەيىن جاقىندارىمىزدى ىستەگەن قاتەلىكتەرى ءۇشىن كەشىرمەي كەلگەنىمىز ءۇشىن؛

- از كۇلىپ، از كوڭىل كوتەرگەنىمىز ءۇشىن؛

- وزگەلەردىڭ جاعىمسىز پىكىرلەرىن جۇرەككە تىم جاقىن قابىلداعانىمىز ءۇشىن؛

- بويىمىزداعى دارىندى تۇنشىقتىرىپ، بالالىق ارماندارىمىزدى ورىنداماعانىمىز ءۇشىن؛

- از ساياحاتتاعانىمىز ءۇشىن؛

- كوپ قورىققانىمىز ءۇشىن؛

- كوپ ىستە باتىلدىق تانىتا الماعانىمىز ءۇشىن. قيىن-قىستاۋ كەزەڭدە بىردەن بەرىلە سالعانىمىز ءۇشىن؛

- ماتەريالدىق زاتتارعا كوپ كوڭىل ءبولىپ، كۇش-جىگەرىمىزدى قاجەتسىز دۇنيەلەرگە جۇمساعانىمىز ءۇشىن؛

- باستى نارسەنى ايتپاعانىمىز ءۇشىن؛

ولاي بولسا، كارىلىك كەلمەي تۇرىپ دۇرىس شەشىم قابىلداۋىڭىزعا تىلەكتەسپىز!