تۇركىستاندا بانك بولىمشەسىندەگى تەرمينالدى توناعان ەكى كۇدىكتى ۇستالدى
ەسكە سالا كەتسەك، 8 - قىركۇيەكتە تۇركىستان قالالىق ءى ءى ب- ءنىڭ كەزەكشى بولىمىنە بانكتەردىڭ بىرىندە ۇرلىق ورىن العانى تۋرالى حابارلاما كەلىپ ءتۇستى. وقيعا ورنىنا كەلگەن پوليتسەيلەر بەلگىسىز بىرەۋلەردىڭ تۇنگى ۋاقىتتا بانك عيماراتىنا كىرىپ، تەرمينالدان 4 ميلليون تەڭگەدەن استام اقشانى ۇرلاپ كەتكەنىن انىقتاعان. اتالعان جايت ق ر ق ك- ءنىڭ 188-بابى 4 بولىگىمەن «اسا ءىرى كولەمدە جاسالعان ۇرلىق» بويىنشا سوتالدى تەرگەۋدىڭ ءبىرىڭعاي تىزىلىمىنە تىركەلدى.
قازىر پوليتسيا سوتقا دەيىنگى تەرگەۋ امالدارىن جۇرگىزۋدە. باسقارمادا قىلمىستىق ءىستى انىقتاۋ ماقساتىندا ۇرلىقتى اشۋعا باعىتتالعان توپ قۇرىلدى. پوليتسەيلەر جەدەل- ىزدەستىرۋ ءىس- شارالارىنىڭ ناتيجەسىندە كەنتاۋ جانە تۇركىستان قالاسىنىڭ 1970 جانە 1988 -جىلعى ەكى تۇرعىنىن انىقتاپ، ۇستادى. ونىڭ ءبىرى 47 جاستاعى كۇدىكتى ەر ادام بانكتە كۇزەتشى بولىپ جۇمىس ىستەيدى. ايعاقتى زات رەتىندە ۇستالعانداردان 2 ميلليون تاركىلەندى. كۇدىكتىلەر كىناسىن تولىقتاي مويىنداپ وتىر. ەكەۋى دە قاماۋعا الىندى. ايتا كەتەرلىگى، كەشە 13 - قازاندا Kaspi bank ءتىڭ شىمكەنتتە ورنالاسقان بولىمشەسىنە قاراقشىلىق شابۋىل جاسالدى. بەلگىسىز ادام بانككە باسا كوكتەپ كىرىپ، كاسساسىن توناپ كەتكەن.
