قازاقستاندا شاريعاتقا سايكەس تولەم كارتالارى شىعاتىن بولدى

 استانا. قازاقپارات - قازاقستاندا «ال ساكر - فينانس» اق شاريعات زاڭدارىنا سايكەس تولەم كارتالارىن شىعاراتىن بولدى.

بۇل تۋرالى islam.kz جازادى.

قازاقستاندا كورپوراتيۆتىك سەكتورعا قىزمەت كورسەتەتىن بىرنەشە يسلامدىق قارجى ۇيىمدارى بار. سولاردىڭ ءبىرى «ال ساكر - فينانس» كومپانياسى. يسلامدىق كومپانيا قازاقستان قارجى نارىعىندا 17 جىلدان بەرى قىزمەت كورسەتىپ كەلەدى. ولار جاڭا جوبانى «بانك- استانا» بانكىمەن بىرلەسىپ جاساعان. كارتانىڭ ارتىقشىلىقتارى:

- قاراجاتتىڭ قالدىعىنا سىياقى ەسەپتەلمەيدى؛

- كليەنت قارجىسىن بانك ەميتەنتى پايدالانبايدى؛

- شاريعاتتا تىيىم سالىنعان مەكەمەلەردە تولەم جاساۋ مۇمكىندىگى جوق؛

- on-line تاپسىرىس بەرۋ؛

- اقىسىز جەتكىزۋ قىزمەتى؛

- مۋلتيۆاليۋتالىق؛

- اقشا سالۋ مەن شىعارۋ ءۇشىن كوميسسيا جوق؛

- 1000 نان استام سەرىكتەستەردەن جەڭىلدىك؛

- ءموبيلدى قوسىمشاسى بار.