ق ر ۇكىمەتى: قازاقستان پرەزيدەنتى مەن قىرعىز پرەمەر- ءمينيسترى اراسىندا كەلىسسوز جۇرگىزىلگەن جوق

استانا. قازاقپارات - ب ا ق- تا جاريالانعان قىرعىز رەسپۋبليكاسى ۇكىمەت باسشىسىنىڭ كەلىسسوزىنە قاتىستى قازاقستان رەسپۋبليكاسى پرەمەر- ءمينيسترىنىڭ باسپا ءسوز قىزمەتى مالىمدەمە تاراتتى، دەپ حابارلايدى قازاقپارات.

 «قىرعىز رەسپۋبليكاسىنىڭ پرەمەر- ءمينيسترى س. يساكوۆتىڭ 2017 -جىلدىڭ 11 - قازانىندا Facebook الەۋمەتتىك جەلىسىنىڭ جەكە پاراقشاسىندا قىرعىز- قازاق مەملەكەتتىك شەكاراسىنداعى اعىمداعى جاعداي بويىنشا ءوزىنىڭ قازاقستان رەسپۋبليكاسىنىڭ پرەزيدەنتىمەن كەلىسسوزدەرى تۋرالى اقپاراتىنا قاتىستى ءبىرقاتار ب ا ق- تىڭ ساۋالدارىنا بايلانىستى ق ر پرەمەر- ءمينيسترىنىڭ باسپا ءسوز قىزمەتى رەسمي تۇردە مالىمدەيدى.

بىرىنشىدەن، سوچيدە (ر ف) جوعارى ەۋرازيالىق ەكونوميكالىق كەڭەس وتىرىسىنىڭ اياسىندا قازاقستان پرەزيدەنتى مەن قىرعىزستان پرەمەر- ءمينيسترىنىڭ كەلىسسوزدەرى وتكىزىلگەن جوق.

س. يساكوۆ مىرزانىڭ جەكە Facebook پاراقشاسىندا ورنالاستىرىلعان فوتوسۋرەتتە راستالعانداي، ونىڭ ءبىزدىڭ ەلباسىمىزعا جاقىنداپ كەلۋى عانا ورىن الدى»، - دەلىنگەن حابارلامادا.

«ەكىنشىدەن، قازاقستان پرەزيدەنتىنىڭ «شەكارادا تۋىنداعان بارلىق ماسەلەلەردى شەشۋ بويىنشا قازاقستان ۇكىمەتىنە تاپسىرما بەرگەندىگى» تۋرالى اقپارات شىندىققا جاناسپايدى. اقيقاتىندا، ۇكىمەتكە اتالعان ماسەلە بويىنشا ۇكىمەت ارالىق كونسۋلتاتسيا وتكىزۋ تۋرالى تاپسىرما بەرىلدى»، - دەپ ءمالىم ەتتى ق ر پرەمەر- ءمينيسترىنىڭ باسپا ءسوز قىزمەتى.

بۇدان بۇرىن قازاقستاندىق ب ا ق- تا حابارلانعانداي، قازىرگى كەزدە ق ر ۇ ق ك شەكارا قىزمەتى قازاقستاندىق ءى ءى م، مەملەكەتتىك كىرىستەر جانە كولىكتىك باقىلاۋ كوميتەتتەرىمەن بىرلەسە وتىرىپ، ەلىمىزدىڭ مەملەكەتتىك شەكاراسىنىڭ بارلىق پەريمەترى بويىنشا، ونىڭ ىشىندە قازاقستاندىق- قىرعىز اۋماعىندا دا جوسپارلى شەكارا وپەراتسياسىن جۇرگىزۋدە.

شەكارادان وتەتىن جەكە تۇلعالاردى، كولىك قۇرالدارىن، جۇكتەر مەن تاۋارلاردى تەكسەرۋدى كۇشەيتۋ شارالارى قولدانىستاعى زاڭناما شەڭبەرىندە قازاقستاندىق جانە شەتەلدىك ازاماتتاردىڭ قۇقىقتارىن شەكتەۋسىز جۇرگىزىلۋدە.

«شەكارانى كەسىپ ءوتۋ ءۇشىن ەشقانداي شەكتەۋ نەمەسە تىيىم سالىنىپ جاتقان جوق.

جوسپارلى شەكارا وپەراتسياسىنىڭ باستى ماقساتى - شەكارالىق كەڭىستىكتەگى قۇقىققا قارسى ارەكەتتەردىڭ الدىن الۋ، تەرروريستىك، كونتراباندالىق جانە باسقا دا قىلمىستىق ارەكەتتەرگە قاتىسى بار تۇلعالاردى انىقتاۋ، شەكارا ءتارتىبى مەن كوشى- قون زاڭناماسىنىڭ ساقتالۋىن تەكسەرۋ. ءوز كەزەگىندە قىرعىز رەسپۋبليكاسىنىڭ شەكارا قىزمەتى قىرعىزستان پرەزيدەنتى سايلاۋىنا دايىندىق جانە ونى وتكىزۋ كەزەڭىندە شەكارالىق باقىلاۋدىڭ كۇشەيتىلگەن تارتىبىنە كوشتى»، - دەلىنگەن حابارلامادا.

«قازاقستان رەسپۋبليكاسى پرەمەر- ءمينيسترىنىڭ باسپا ءسوز قىزمەتى بۇرمالانعان اقپاراتتىڭ تاراتىلۋىنا رەسمي تۇردە تۇسىنبەستىك بىلدىرەدى جانە ءوزىنىڭ شىنايى اقپارات بەرۋ ماسەلەسىندە كەز كەلگەن ب ا ق- پەن ىنتىماقتاستىققا اشىقتىعىن راستايدى»، - دەپ مالىمدەدى ق ر پرەمەر- ءمينيسترىنىڭ باسپا ءسوز قىزمەتى.