قازاق بالاسىنىڭ ەسىمى مارس بەتىندە ماڭگى قالاتىن بولدى
بۇل تۋرالى BNews.kz جازادى.
ءوزىنىڭ ەسىمى جازىلاتىنى تۋرالى حاتتى دامير ەلەكتروندى پوچتا ارقىلى العان. ءبىراق، ونىڭ سوزىنشە مۇنى ۇيىمنىڭ رەسمي سايتىنا ءوزى تۋرالى مالىمەت جولدايتىن ءاربىر ادام ىستەي الادى.
ناسا زەرتحاناسى 2018 - جىلدىڭ مامىر ايىندا مارستىڭ جوعارعى بولىگىن زەرتتەيتىن جەر سەرىگىن ۇشىرادى. InSight كورابلى پلانەتانىڭ جوعارى بولىگىندەگى جانارتاۋلاردى زەرتتەپ، سەيسمومەتر قۇراستىرۋ ارقىلى پلانەتانىڭ تەرەڭ قاباتىن دا تەكسەرەدى.
«مەن 15 جاسىمنان باستاپ ناسا- نىڭ عارىشتى يگەرۋگە قاتىستى باعدارلامالارىنا قاتىسىپ كەلەمىن. وسى كۇنگە دەيىن بوگدەپلانەتالىقتار، ءتۇرلى نىساندار، پۋلسار سيگنالدارىن زەرتتەپ، تۇمان كارتاسىن جوبالاۋ مەن جاڭا جۇلدىزداردىڭ پايدا بولۋ پروتسەستەرىن زەردەلەدىم. Milky Way باعدارلاماسىنا جەر شارىنىڭ 800 مىڭعا جۋىق تۇرعىنى قاتىسۋدا»، - دەيدى دامير.
اناسىنىڭ ايتۋىنشا دامير عارىشتى بالا كەزىنەن ارمانداعان، جانە ونىڭ ەڭ سۇيىكتى كىتابى دا عارىش ەنتسيكلوپەدياسى ەكەن.
«داميردىڭ دەنساۋلىعى عارىشكەر بولۋعا مۇمكىندىك بەرمەسە دە، وسى عارىشتىڭ اينالاسىندا ءجۇرىپ زەرتتەۋلەر جۇزەگە اسىرعىسى كەلەدى. ال ءوزى ۇنەمى عارىشكەر ايدىن ايىمبەتوۆپەن بايلانىسىپ، سويلەسىپ تۇرادى»، - دەيدى جاننا بەكبايەۆا.
استرونوميادان بولەك دامير حوككەيمەن اينالىسىپ، نانوتەحنولوگيانىڭ دامۋىن زەرتتەپ وتىرادى ەكەن.
