جاڭا الىپبيدە «يۋ» مەن «يا» دىبىستارى نەلىكتەن جوق
«جازۋ رەفورماسىن قولعا العانداعى ماقساتىمىزدىڭ ءوزى دە ورىس تىلىنەن ەنگەن كىرمە تاڭبالاردى قازاقشا تاراتىپ جازۋ بولاتىن. «يا» دەگەنىڭىز - قازاقتىڭ ەكى دىبىسىنىڭ تىركەسى. ال ەندى «يۋ» دەگەنىڭىز - قازاقتىڭ ءۇش دىبىسىنىڭ تىركەسى. سوندىقتان الداعى ۋاقىتتا ادىستەمە، وقۋلىق ارقىلى تۇسىندىرە وتىرىپ، وسىلاي تاراتىپ جازاتىن بولامىز. سوندا قازاق ءتىلىنىڭ بۋىن قۇرامى بۇزىلمايدى. ۇندەستىك اۋەزى، مورفەما قۇرامى بۇزىلمايدى. تاعى سونداي ۇلكەن جەتىستىكتەرگە جەتەمىز. قازىرگى كيريلليتسا نەگىزىندەگى كوپ سوزدەرىمىز، بىرىنشىدەن، ءتىلدىڭ ۇندەستىك اۋەزىن بۇزىپ وتىر» ، - دەدى ول ب ا ق وكىلدەرىنىڭ ساۋالىنا وراي. ال ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعىنىڭ ديرەكتورى ەربول تىلەشوۆ وسى ۋاقىتقا دەيىن قازاق تىلىندە 42 دىبىس بار دەپ قاتەلەسىپ جۇرگەندىگىمىزدى باسا ايتتى.
«اڭگىمە سودان تۋىپ تۇر. يۋ مەن يا- نى كوپتەگەن ازامات دىبىس دەپ قابىلدايدى. تاڭبا بار، دىبىس دەگەن بار، وسىنى ءبىز ايىرا ءبىلۋىمىز كەرەك. ورىستاردا ورىس لاتينيتساسى بار ءارى ول بەكىتىلگەن. جۇمىس لاتينيتساسىنىڭ بەكىتىلگەنىنە ون جىلدان اسىپ كەتتى. وندا دا يۋ مەن يا جوق. فرانتسيادا نيتستسا دەگەن قالا بار، ورىسشا سولاي ايتادى. فرانتسۋزداردا «تس» دەگەن ءارىپ جوق، دۇرىسى - نيسا. اعىلشىندا «تسيرك» دەپ ايتپايدى، «سيرك» دەپ ايتادى. «تس» - ورىستاردىڭ ءارپى. ءبىز ءتۇپ توركىنى بولەك ءتىلدىڭ ەملە ەرەجەسىنە داعدىلانىپ كەلدىك. قازاق ءتىلى - اعىلشىن ءتىلى دە ەمەس، ورىس ءتىلى دە ەمەس» ، - دەدى تىلەشوۆ.
اۆتور: مارلان جيەمباي
