قازىرگى قازاق بالالارى كىمدەردى ۇلگى تۇتادى

استانا. قازاقپارات - استانادا وتكەن دوڭگەلەك ۇستەلدە قوعامدىق پىكىردى ساراپتاۋ ورتالىعى 13-17 جاس ارالىعىنداعى قازاقستاندىقتار اراسىندا جۇرگىزىلگەن ساۋالناما ناتيجەسىن جاريالادى، دەپ حابارلايدى قازاقپارات ح ا ا ءتىلشىسى.

زەرتتەۋ ناتيجەسىنە سايكەس، «مادەنيەت، سپورت، عىلىم، ساياسات قايراتكەرلەرى اراسىندا ومىرگە دەگەن كوزقاراسىڭا كىم ىقپال ەتەدى؟» دەگەن ساۋالعا جاۋاپ بەرگەن بالالاردىڭ كوپشىلىگى قازاقستان پرەزيدەنتى نۇرسۇلتان نازاربايەۆتى، قازاقستاندىق بوكسشى گەننادي گولوۆكيندى جانە ءوز اتا-انالارىن اتاپ كورسەتكەن.

سونداي-اق، كۋميرلەر اراسىندا اباي قۇنانبايەۆ، مۇقاعالي ماقاتايەۆ، الەكساندر پۋشكين، شوقان ءۋاليحانوۆ، ديماش قۇدايبەرگەن، داريعا نازاربايەۆا، روزا رىمبايەۆا، ليونەل مەسسي، مايكل دجوردان، مۇحاممەد ءالي جانە سەرىك ساپيەۆتىڭ ەسىمى بار. ساۋالناماعا ەلىمىزدىڭ 46 ەلدى مەكەنىندە تۇراتىن مىڭعا جۋىق جاس ءوسپىرىم قاتىسقان. ولاردىڭ 56 پايىزى قالالىق، ال 41 پايىزى - اۋىل بالالارى.